2024 წლის მე-2 კვარტალში, საქართველოს საჰაერო ტრანსპორტით გადაყვანილი მგზავრების რაოდენობა 2.6-ჯერ აღემატება 2023 წლის შესაბამისი პერიოდის მაჩვენებელს, ხოლო მგზავრთბრუნვის მოცულობა კი 3.3-ჯერ. ამის შესახებ საქსტატის საჰაერო ტრანსპორტის ძირითად მაჩვენებლებშია აღნიშნული.
უფრო დეტალურად, მიმდინარე წლის მე-2 კვარტალში გადაყვანილია 170.1 ათასი მგზავრი, ხოლო მგზავრთბრუნვის მოცულობამ 491.3 მლნ. მგზავრ-კილომეტრი შეადგინა.
მე-2 კვარტალში, საქართველოს აეროპორტები 1 794 100 მგზავრს მოემსახურა, რაც 25.3%-ით აღემატება 2023 წლის ანალოგიური პერიოდის მაჩვენებელს – საერთაშორისო აეროპორტებმა 911.4 ათასი მგზავრი მიიღო, ხოლო აეროპორტებიდან 882.7 ათასი მგზავრი გაემგზავრა. საქართველოს სამივე საერთაშორისო აეროპორტებში მგზავრთნაკადის 93.8% რეგულარულ ფრენებზე მოდიოდა.
ამავე პერიოდში, თბილისის , ქუთაისის და ბათუმის აეროპორტებიდან 7 700 სამგზავრო რეისი შესრულდა, რაც წინა წლის შესაბამის მაჩვენებელს 26.3%-ით აღემატება.
