ქუთაისის საერთაშორისო აეროპორტი -დან და მისი მიმართულებით, მგზავრთა გადაყვანს სამი სატრანსპორტო კომპანია უზრუნველყოფს. „ჯორჯიან ბასსა“ და „ომნიბუსს ექსპრესთან“ ერთად, მგზავრთა ტრანსპორტირებას ახლა უკვე კომპანია „მეტრო ჯორჯიაც“ განახორციელებს. აღნიშნულმა კომპანიამ უკვე დაიწყო ოპერირება დავით აღმაშენებლის სახელობის აეროპორტში და, სხვა ოპერატორების მსგავსად, მგზავრებს თბილისის და ბათუმის აეროპორტებში გადაადგილების სერვისს სთავაზობს.
საქართველოს აეროპორტების გაერთიანების ოპერირების დირექტორმა, ლევან ცხადაძემ, განაცხადა, რომ მესამე სატრანსპორტო კომპანიის დამატება მგზავრებისთვის კიდევ უფრო მეტ არჩევანსა და კომფორტს უზრუნველყოფს. Metro Georgia განახორციელებს გადაყვანას თანამედროვე სტანდარტების შესაბამისი ავტობუსებით, რაც უზრუნველყოფს უსაფრთხო და კომფორტულ მგზავრობას. მგზავრებს უკვე შეუძლიათ ბილეთების შეძენა და აღნიშნული სერვისით სარგებლობა.
Metro Georgia საერთაშორისო ჰოლდინგ „Metro“-ს ოფიციალური პარტნიორია საქართველოში და ერთ-ერთი წამყვანი მოთამაშეა სატრანსპორტო სექტორში. კომპანიის ავტოპარკი აღჭურვილია თანამედროვე ტექნოლოგიებით, რომლებიც მაქსიმალურად ზრდის მგზავრთა უსაფრთხოებისა და კომფორტის დონეს. კომპანია მუდმივად ისწრაფვის მომსახურების ხარისხის გაუმჯობესებისკენ, რაც მათ ერთ-ერთ წამყვან სატრანსპორტო მომსახურების პროვაიდერად აქცევს.
ქუთაისის აეროპორტთან „მეტრო ჯორჯიას“ თანამშრომლობა კიდევ უფრო განამტკიცებს მგზავრებისთვის კომფორტული და უსაფრთხო გადაადგილების შესაძლებლობებს. ბილეთების შეძენა უკვე ხელმისაწვდომია კომპანიის ვებგვერდზე: metrogeorgia.ge.
შეიძინე ავიაბილეთები ყველაზე იაფად ნებისმიერი მიმართულებით. დაგვირეკე: 551 907 907
