ქუთაისის აეროპორტი და ლიონის სენტ-ეგზიუპერის აეროპორტი, დღეს პირველად, პირდაპირი რეგულარული საჰაერო ხაზით დაუკავშირდა ერთმანეთს. ავიაკომპანია Wizz Air -მა ქუთაისიდან ლიონში პირველი რეისით 130 მგზავრი წარმატებით ჩაიყვანა. ფრენები აღნიშნულ მარშრუტზე ყოველ კვირას ორჯერ – სამშაბათსა და შაბათს განხორციელდება.
საინაუგურაციო ღონისძიებას ქუთაისის აეროპორტში დაესწრნენ საქართველოს აეროპორტების გაერთიანების გენერალური დირექტორი ლევან მოსეშვილი და Wizz Air-ის კორპორაციული კომუნიკაციების მენეჯერი სალვატორე გაბრიელე იმპერიალე.
ლევან მოსეშვილის განცხადებით, ლიონთან პირდაპირი საჰაერო კავშირის დამყარება მნიშვნელოვნად გაზრდის საქართველოს მოქალაქეებისთვის მოგზაურობის შესაძლებლობებს და გააღრმავებს ქართულ-ფრანგულ ურთიერთობებს როგორც ეკონომიკის, ასევე კულტურის მიმართულებით.
ქუთაისი ლიონი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 19 ივლისი 2026 | 23 ივლისი 2026 |  | ავიაბილეთები 478 -დან |
| 2 აგვისტო 2026 | 16 აგვისტო 2026 | | ავიაბილეთები 407 -დან |
| 10 სექტემბერი 2026 | 27 სექტემბერი 2026 | | ავიაბილეთები 502 -დან |
„ ქუთაისის საერთაშორისო აეროპორტი -დან პირდაპირი ფრენები უკვე მესამე ფრანგულ ქალაქში ხორციელდება – პარიზისა და ნიცას შემდეგ. ლიონი არა მხოლოდ ეკონომიკური და კულტურული მნიშვნელობის ქალაქია, არამედ სპორტული თვალსაზრისითაც განსაკუთრებული – გულშემატკივრებს შესაძლებლობა ექნებათ დაესწრონ გიორგი მიქაუტაძის თამაშებს „ლიონის ოლიმპიკის“ შემადგენლობაში, მათ შორის ჩემპიონთა ლიგაზეც“, – აღნიშნა მოსეშვილმა. მისივე თქმით, ლიონის მიმართულება ხელს შეუწყობს ტურისტული ნაკადების ზრდას როგორც საქართველოდან საფრანგეთში, ისე პირიქით.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
