2025 წლის აპრილიდან, თბილისის საერთაშორისო აეროპორტი ახალ ევროპულ ავიაკომპანიას უმასპინძლებს. საქართველოს აეროპორტების გაერთიანების ცნობით, შვეიცარიული ავიაკომპანია Edelweiss 2025 წლის 12 აპრილიდან, რეგულარულ ფრენებს დაიწყებს თბილისი ციურიხი ციურიხი თბილისი -ს საჰაერო ხაზზე. რეისები კვირაში ორჯერ Airbus A320 ტიპის თვითმფრინავებით შესრულდება.
ამჟამად თბილისსა და ციურიხს შორის პირდაპირი ფრენები არ არის ხელმისაწვდომი და მგზავრებს სტამბოლის გავლით უწევთ აღნიშნულ მიმართულებაზე გამგზავრება.
თბილისი ციურიხი
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 12 ნოემბერი 2025 | 29 ნოემბერი 2025 | 1 Გაჩერება |  | ავიაბილეთები 800 -დან |
| 21 ნოემბერი 2025 | 5 დეკემბერი 2025 | 1 Გაჩერება |  | ავიაბილეთები 660 -დან |
| 2 დეკემბერი 2025 | 17 დეკემბერი 2025 | 1 Გაჩერება | | ავიაბილეთები 728 -დან |
| 9 დეკემბერი 2025 | 26 დეკემბერი 2025 | 3 Გაჩერება | | ავიაბილეთები 1 072 -დან |
| 14 დეკემბერი 2025 | 17 დეკემბერი 2025 | 1 Გაჩერება |  | ავიაბილეთები 687 -დან |
| 26 დეკემბერი 2025 | 10 იანვარი 2026 | 1 Გაჩერება | | ავიაბილეთები 622 -დან |
| 30 დეკემბერი 2025 | 2 იანვარი 2026 | 1 Გაჩერება | | ავიაბილეთები 836 -დან |
საქართველოს აეროპორტების გაერთიანების გენერალური დირექტორის, ირაკლი ქარქაშაძის განცხადებით, ორწლიანი მოლაპარაკებები ავიაკომპანიასთან წარმატებით დასრულდა:
„2025 წლიდან თბილისის მიმართულებით კიდევ ერთი ევროპული ავიაკომპანია დაიწყებს ოპერირებას, რაც საქართველოს ავიაბაზრისთვის მნიშვნელოვანი მოვლენაა. Edelweiss Air -ის შემოსვლა ხელს შეუწყობს შვეიცარიიდან ტურისტული ნაკადების ზრდას. ეს ახალი მიმართულება, ციურიხი თბილისი, განსაკუთრებულია, რადგან საქართველოსთვის ციურიხთან პირდაპირი რეისი ამ დროისათვის არ არსებობს.“
Edelweiss Air შვეიცარიული ავიაკომპანიაა, რომელიც Swiss International Air Lines-ის შვილობილი და Lufthansa-ს ჯგუფის წევრია. კომპანიის მთავარი ბაზა ციურიხის აეროპორტში მდებარეობს, საიდანაც Edelweiss 90-ზე მეტ მიმართულებით ახორციელებს ფრენებს ევროპაში, ამერიკაში, აზიასა და აფრიკაში, ძირითადად საკურორტო და დასვენებისთვის პოპულარულ მიმართულებებზე. Edelweiss ცნობილია კომფორტული მომსახურებით და დასვენებისთვის მორგებული ფრენებით, რაც განსაკუთრებით ხელსაყრელია ტურისტებისთვის.
