ქუთაისის დავით აღმაშენებლის სახელობის საერთაშორისო აეროპორტმა, 2025 წლის აპრილში, მისი არსებობის განმავლობაში, ყველაზე დიდი მგზავრთნაკადი – 145,137 მგზავრი მიიღო. ეს მაჩვენებელი 49%-ით აღემატება 2024 წლის აპრილის მონაცემებს, როცა აეროპორტი 97,220 მგზავრს მოემსახურა. რეისების რაოდენობაც გაიზარდა 28%-ით და მიმდინარე წლის აპრილში 330 ფრენა განხორციელდა.
იანვრიდან აპრილის ჩათვლით პერიოდში აეროპორტმა ჯამში 506,564 მგზავრსა და 1,533 რეისს უმასპინძლა, რაც წინა წლის ანალოგიურ პერიოდთან შედარებით მგზავრთა რაოდენობის 2.3%-იან ზრდას მიუთითებს, თუმცა რეისების რაოდენობა ამ პერიოდში უცვლელი დარჩა (2024 წელი – 1,533 რეისი).
საქართველოს აეროპორტების გაერთიანების გენერალურმა დირექტორმა ლევან მოსეშვილმა აღნიშნა, რომ ზაფხულის სანავიგაციო სეზონზე მოსალოდნელია მგზავრთნაკადის კიდევ უფრო გაზრდა.
პირდაპირი ფრენები ქუთაისიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 19 აგვისტო 2026 | 22 აგვისტო 2026 |  | ავიაბილეთები 673 -დან |
| ათენი | 22 მარტი 2026 | 29 მარტი 2026 |  | ავიაბილეთები 215 -დან |
| ბარსელონა | 25 თებერვალი 2026 | 2 მარტი 2026 | | ავიაბილეთები 441 -დან |
| ბერლინი | 5 თებერვალი 2026 | 12 თებერვალი 2026 | | ავიაბილეთები 275 -დან |
| ბრიუსელი | 2 აპრილი 2026 | 9 აპრილი 2026 | | ავიაბილეთები 366 -დან |
| ბრატისლავა | 6 თებერვალი 2026 | 9 თებერვალი 2026 | | ავიაბილეთები 189 -დან |
| ბუდაპეშტი | 3 თებერვალი 2026 | 5 თებერვალი 2026 | | ავიაბილეთები 211 -დან |
| დორტმუნდი | 10 თებერვალი 2026 | 17 თებერვალი 2026 | | ავიაბილეთები 365 -დან |
| მემინგენი | 27 იანვარი 2026 | 12 თებერვალი 2026 | | ავიაბილეთები 226 -დან |
| ფრანკფურტი | 20 თებერვალი 2026 | 23 თებერვალი 2026 | | ავიაბილეთები 211 -დან |
„აპრილში, ქუთაისის აეროპორტიდან ავიაკომპანია wiz air -მა პირდაპირი რეისები განაახლა მადრიდისა და ჰამბურგის მიმართულებით. ხოლო 3 ივნისიდან დაგეგმილია ახალი ავიამიმოსვლა ლიონის მიმართულებით, რაც განსაკუთრებით მნიშვნელოვანი სიახლეა ქართველი გულშემატკივრებისთვის. ასევე, დაგეგმილია არსებულ რეისებზე ფრენების სიხშირის გაზრდა, რაც კიდევ უფრო ზრდის ჩვენს ოპტიმიზმს მომდევნო თვეების განმავლობაში მგზავრთა რაოდენობის კუთხით,“ – განაცხადა მოსეშვილმა.
ამჟამად ქუთაისის აეროპორტი -დან 6 ავიაკომპანია რეგულარულად ახორციელებს პირდაპირ ფრენებს 18 ქვეყნის 33 მიმართულებით, რომელთაგან 24 ევროპულია.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
