Georgian Airways -ი რუსეთის საჰაერო ხაზზე ფრენების დამატებას უახლოეს პერიდოში განიხილავს. ავიაკომპანიასთან დაზუსტებული ინფორმაციით, განიხილება მოსკოვის, პეტერბურგისა და მახაჩკალას მიმართულებები.
აღსანიშნავია, რომ საქართველოსა და რუსეთსა შორის ავიამიმოსვლა ჯეორჯიან ეარვეის -მა მიმდინარე წლის მაისში, თბილისიდან მოსკოვის მიმართულებით დაიწყო. ფრენებს რუსეთის რამდენიმე ქალაქიდან ასევე ახორციელებენ რუსული ავიაკომპანიებიც.
georgian airways -ი რუსეთის მიმართულებით ფრენების დაწყებას თბილისის და ბათუმის საერთაშორისო აეროპორტებიდან, შემდეგ მიმართულებებზე აანონსებს:
- ბათუმი მოსკოვი – 12 დეკემბრიდან, კვირაში სამი სიხშირით, ყოველ სამშაბათს, ხუთშაბათს და შაბათს.
- თბილისი პეტერბურგი – 10 დეკემბრიდან, კვირაში ორი სიხშირით, ყოველ ოთხშაბათსა და კვირას.
- თბილისი მახაჩკალა – 23 ნოემბრიდან, კვირაში სამი სიხშირით, ყოველ სამშაბათს, ხუთშაბათს და შაბათს.
