ევროპის მინისტრთა საბჭომ და ევროპარლამენტმა შეთანხმებას მიაღწიეს იმ მექანიზმის განახლებაზე, რომელიც ევროკავშირს აძლევს უფლებას, შეაჩეროს უვიზო მიმოსვლა იმ ქვეყნების მოქალაქეებისთვის, რომლებიც ვიზის გარეშე მოგზაურობენ შენგენის ზონაში. როგორც აღნიშნულია ევროპის საბჭოს ოფიციალურ განცხადებაში, ეს ცვლილება მიმართულია იმისკენ, რომ ევროკავშირმა თავიდან აირიდოს უვიზო რეჟიმის ბოროტად გამოყენება და დაიცვას თავისი ინტერესები.
„უვიზო რეჟიმი სასარგებლოა როგორც ევროკავშირის, ასევე პარტნიორი ქვეყნების მოქალაქეებისთვის, თუმცა თუ ეს უპირატესობა გამოიყენება არაკანონიერად, ევროკავშირს უნდა ჰქონდეს ეფექტური ბერკეტები რეაგირებისთვის. ეს საშუალებას მისცემს ევროკავშირს ზეწოლა მოახდინოს იმ სახელმწიფოებზე, რომლებიც არ თანამშრომლობენ არალეგალურ მიგრაციასთან ბრძოლის პროცესში,“ – განაცხადა პოლონეთის საგარეო საქმეთა მინისტრმა რადოსლავ სიკორსკიმ.
პირდაპირი ფრენები ქუთაისიდან ევროპაში
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ათენი | 2 თებერვალი 2026 | 9 თებერვალი 2026 |  | ავიაბილეთები 205 -დან |
| ბარსელონა | 10 დეკემბერი 2025 | 17 დეკემბერი 2025 | | ავიაბილეთები 469 -დან |
| ბერლინი | 8 მარტი 2026 | 15 მარტი 2026 | | ავიაბილეთები 293 -დან |
| ბრიუსელი | 21 დეკემბერი 2025 | 28 დეკემბერი 2025 | | ავიაბილეთები 677 -დან |
| ბუდაპეშტი | 15 იანვარი 2026 | 29 იანვარი 2026 | | ავიაბილეთები 229 -დან |
| დორტმუნდი | 24 იანვარი 2026 | 31 იანვარი 2026 | | ავიაბილეთები 198 -დან |
| მემინგენი | 20 დეკემბერი 2025 | 10 იანვარი 2026 | | ავიაბილეთები 342 -დან |
| ფრანკფურტი | 23 იანვარი 2026 | 30 იანვარი 2026 | | ავიაბილეთები 215 -დან |
| ჰამბურგი | 23 დეკემბერი 2025 | 20 იანვარი 2026 | | ავიაბილეთები 251 -დან |
| კატოვიცა | 13 დეკემბერი 2025 | 6 იანვარი 2026 | | ავიაბილეთები 232 -დან |
განახლებულ შეთანხმებაში განსაზღვრულია შემთხვევები, როცა ევროკავშირი შეძლებს დროებით შეაჩეროს უვიზოდ მიმოსვლა:
- როცა ქვეყნის უვიზო რეჟიმი ეწინააღმდეგება ევროკავშირის სავიზო წესებს და ამან შეიძლება გამოიწვიოს მიგრაციის გაზრდა ახლომდებარე სხვა ქვეყნებიდან;
- როცა მოქმედებს ე.წ. „ოქროს პასპორტების“ სისტემა – მოქალაქეობის მინიჭება ინვესტიციების საფუძველზე იმ პირებისთვის, ვისაც ფაქტობრივი კავშირი არ აქვს აღნიშნულ ქვეყანასთან;
- როდესაც არსებობს უსაფრთხოების რისკები – მათ შორის დოკუმენტაციის დაცვის სუსტ მხარეებთან ან ჰიბრიდულ საფრთხეებთან დაკავშირებით;
- ევროკავშირსა და კონკრეტულ მესამე ქვეყანას შორის ურთიერთობების გაუარესებისას, განსაკუთრებით თუ საქმე ეხება ადამიანის უფლებების დარღვევას ან გაეროს წესდების სერიოზულ უგულებელყოფას.
ეღნიშნული ახალი პირობები დაემატება უკვე არსებულ საფუძვლებს, როგორიცაა თავშესაფრის მოთხოვნების მკვეთრი ზრდა დაბალი აღიარების მაჩვენებლის მქონე ქვეყნებიდან, ან იმ შემთხვევების მომრავლება, როდესაც ვიზის გარეშე ჩასული პირები ევროკავშირის ტერიტორიაზე წესების დარღვევით რჩებიან.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
