ავიაკომპანია Condor-ის გაყიდვების გენერალურ აგენტად (GSA) საქართველოში და არაბეთის გაერთიანებულ საამიროებში (UAE).
ფრენების განახლება: Condor-ი 2026 წლის ივნისიდან ფრანკფურტი – თბილისი – ფრანკფურტის მიმართულებით ყოველდღიურ ფრენებს განაახლებს, ორწლიანი პაუზის შემდეგ.
პარტნიორობის გაფართოება: Condor-სა და AVIAREPS-ს შორის წარმატებული თანამშრომლობა, რომელიც 2006 წლიდან გრძელდება, ამჟამად მსოფლიოს 30-ზე მეტ ბაზარს მოიცავს.
AVIAREPS Condor-ის გაყიდვებსა და მარკეტინგს გაუძღვება თბილისში
ავიაციის, ტურიზმისა და სტუმართმოყვარეობის სფეროში გლობალური ლიდერი კომპანია AVIAREPS ოფიციალურად დაინიშნა Condor-ის გენერალურ გაყიდვების აგენტად (GSA) საქართველოში და არაბეთის გაერთიანებულ საამიროებში (UAE).
თბილისში არსებული AVIAREPS-ის გუნდი მიზნად ისახავს Condor-ის ცნობადობის გაზრდას, ტურისტულ აგენტებთან ურთიერთობების გაღრმავებას და ბილეთების გაყიდვების ზრდას მიზნობრივი მარკეტინგული სტრატეგიების დანერგვით. Condor-ს AVIAREPS გაუწევს გაყიდვების, მარკეტინგისა და დაჯავშნის სრულყოფილ სერვისებს.
“მოხარულები ვართ, რომ AVIAREPS-თან პარტნიორობას არაბეთის გაერთიანებულ საამიროებსა და საქართველოზე ვავრცობთ. მათი კომერციული ცოდნა და მჭიდრო კავშირები ტურისტულ ინდუსტრიასთან დაგვეხმარება ახალ აუდიტორიამდე მივაღწიოთ,” – განაცხადა Condor-ის გაყიდვების ხელმძღვანელმა, ანდრე ჰორნმა.
ფრენების განახლება ხელს შეუწყობს ევროპასთან საჰაერო კავშირებს
Condor-ი 2026 წლის ივნისიდან განაახლებს ოპერაციებს საქართველოში ორწლიანი პაუზის შემდეგ. დაგეგმილია ფრანკფურტი – თბილისი – ფრანკფურტის მიმართულებით ყოველდღიური ფრენები.
ავიაკომპანია მოელის, რომ ფრანკფურტიდან, როგორც ევროპის ერთ-ერთი მთავარი საავიაციო კარიბჭიდან, პირდაპირი კავშირის აღდგენა ხელს შეუწყობს შემომავალ ტურიზმს და გააღრმავებს საჰაერო კავშირებს ევროპასა და კავკასიის რეგიონს შორის.
AVIAREPS-ის ავიაციის COO, მარსელო კაიზერი, აღნიშნავს: “ეს უახლესი გაფართოება UAE-სა და საქართველოში ხაზს უსვამს ჩვენს საერთო მიზანს – გავხსნათ ახალი შესაძლებლობები და გავაძლიეროთ ურთიერთობები ადგილობრივ სავაჭრო პარტნიორებთან.”
გარდა საქართველოსი, Condor-ი ფრენებს აფართოებს არაბეთის გაერთიანებულ საამიროებშიც, რაც მას გერმანიიდან დუბაისკენ ყველაზე ხშირი კავშირების მქონე ავიაკომპანიად აქცევს.
Condor-ის დაბრუნება ქართულ ბაზარზე და AVIAREPS-ის დანიშვნა GSA-დ მნიშვნელოვანი ნაბიჯია ქვეყნის საავიაციო ინდუსტრიისთვის. ფრანკფურტის პირდაპირი რეისების განახლება 2026 წლიდან ხელს შეუწყობს როგორც ტურისტული ნაკადის ზრდას, ასევე ეკონომიკური კავშირების გაძლიერებას საქართველოსა და ევროპას შორის.
Avia.ge – 8 წელი თქვენს სამსახურში! საიმედო პარტნიორი მოგზაურობაში.
დაგვირეკე: 551 907 907
