თბილისის საერთაშორისო აეროპორტიდან ჩარტერული რეისი კიდევ ორი მიმართულებით შესრულდება – ბუდაპეშტი და თელ-ავივი.
მას შემდეგ რაც ფრენები განახლდა, საქართველოსა და უნგრეთს შორის ავიამიმოსვლა არ ყოფილა. პირველ რეისს ორ ქვეყანას შორის ავიაკომპანია Myway Airlines-ი შეასრულებს.
ფრენა 8 სექტემბერს თბილისის საერთაშორისო აეროპორტიდან ბუდაპეშტის აეროპორტში შესრულდება. გაფრენის დრო 12:30 საათია, ხოლო მოფრენის 19:30.
რაც შეეხება თელ-ავივს, ეს პირველი საჰაერო მიმოსვლა არ იქნება ისრაელსა და საქართველოს შორის. ავიარეისი თელ-ავივი – თბილისი – თელ-ავივის საჰაერო ხაზზე 8 სექტემბერს შესრულდება. რეისს ავიაკომპანია Israir Airlines-ი შეასრულებს. მოფრენის დრო 17:15 საათია, ხოლო გაფრენის 18:15.
