გავრცელებული ინფორმაციის თანახმად, შვეიცარიის მოქალაქეებს საქართველოში შემოსვლა როგორც სამგზავრო დოკუმნეტით, ასევე, პირადობის დამადასტურებელი მოწმობითაც შეეძლებათ. დოკუმნეტში აღნიშნული ინფორმაცია – სახელი, გვარი, დაბადების თარიღი და ფოტოსურათი საკმარისი იქნება საზღვარზე შემოსვლისთვის.
აღნიშნულ ცვლილებას ხელი საქართველოს პრემიერ-მინისტრმა გიორგი გახარიამ მოაწერა და 2019 წლის 28 ნოემბერით დათარიღებული დადგენილება #578 უკვე ძალაში შევიდა.
შვეიცარია იმ ქვეყნების ჩამონათვალს შეუერთდა, რომლებსაც საქართველოში პირადობის დამადასტურებელი დოკუმენტით შემოსვლის უფლება აქვთ და საქართველოს მთავრობის 2015 წლის 5 ივნისის #256 დადგენილებაშიც შევიდა, რაც მოიცავს იმ ქვეყნების სიას, რომლის მოქალაქეებსაც საქართველოში უვიზოდ მიმოსვლა შეუძლიათ.
