ხშირად, ჩვენს ყოველდღიურ გარდერობში არსებული ნივთები იმაზ მეტ ისტორიას ინახავს, ვიდრე წარმოგვიდგენია. ბევრი საკულტო აქსესუარი და სამოსი, არა მოდის დიზაინერების ატელიებში, არამედ საავიაციო პირობებში, პილოტების უსაფრთხოებისთვისა და კომფორტისთვის შეიქმნა. ავიაცია ყოვლთვის ასოცირდებოდა სიმამაცესთან, ამიტომ გასაკვირი არ არის, რომ პილოტების ეკიპირებამ დროთა განმავლობაში პოდიუმებსა და ჩვენს კარადებში გადმოინაცვლა.
ალბათ, როდესაც საქართველოდან დასასვენებლად მიფრინავთ და შეძენილი გაქვთ თბილისი ბერლინი ავიაბილეთები ან თბილისი ლონდონი ავიაბილეთები, საჭირო ნივთები მომარაგებული და ბარგიც ჩალაგებული გაქვთ. მოგზაურობისთვის აუცილებელია გვქონდეს: მზის სათვალე, თუ ზამთარში მიდიხართ – თბილი მოსაცმელი და ჩექმები. ეს ნივთები კი სწორედ ავიაციას უკავშირდება.
დღეს ამ სტატიით, მითი, რომ მოდა მხოლოდ პოდიუმზე და მოდის სახლებში იბადება, უნდა დავამსხვრიოთ. წარმოგიდგენთ 5 ნივთს, რომელიც თავდაპირველად მხოლოდ ავიატორებისთვის შეიქმნა.
Ray-Ban Aviator – მზისგან დამცავი „ფარი“
1930-იან წლებში, როდესაც თვითმფრინავებმა უფრო მაღალ დისტანციებზე დაიწყეს ფრენა, პილოტები აუტანელ თავის ტკივილსა და გულზიდვას უჩიოდნენ, რასაც კაშკაშა შუქი და ულტრაიისფერი სხივები იწვევდა. აშშ-ის არმიამ დახმარებისთვის კომპანია Bausch & Lomb-ს მიმართა. მათ შექმნეს სპეციალური ფორმის სათვალე მწვანე ლინზებით, რომელიც სინათლეს ფილტრავდა და მხედველობის მაქსიმალურ არეალს ტოვებდა. ასე გაჩნდა ლეგენდარული „ავიატორები“, რომლებიც დღეს სტილის განუყოფელი ნაწილია.
Bomber Jacket – ცის დამპყრობლების „ჯავშანი“
პირველი მსოფლიო ომის დროს თვითმფრინავებს ღია კაბინები ჰქონდათ, სადაც პილოტებს მინუს ტემპერატურაში უწევდათ ყოფნა. მათ სჭირდებოდათ სამოსი, რომელიც ქარსა და ყინვას გაუძლებდა. ასე შეიქმნა ტყავის მძიმე ქურთუკები. მოგვიანებით, მეორე მსოფლიო ომის დროს, გაჩნდა უფრო მსუბუქი, ნეილონის მოდელები (ცნობილი როგორც MA-1), რომლებმაც თავისი პრაქტიკულობითა და დიზაინით მალევე მოიპოვეს პოპულარობა სამოქალაქო მოდაში.
მაჯის საათი – აუცილებელი სანავიგაციო ხელსაწყო
მე-20 საუკუნის დასაწყისში მამაკაცის მაჯის საათი „ქალურ“ აქსესუარად ითვლებოდა – კაცები მხოლოდ ჯიბის საათებს ატარებდნენ. თუმცა, პილოტისთვის ფრენისას ჯიბიდან საათის ამოღება წარმოუდგენელი იყო. 1904 წელს ლუი კარტიემ თავისი მეგობარი პილოტისთვის, ალბერტო სანტოს-დიუმონისთვის, შექმნა პირველი მამაკაცის მაჯის საათი, რათა მას დრო საჭიდან ხელის აუღებლად გაეკონტროლებინა. ამ ინოვაციამ სამუდამოდ შეცვალა საათების ინდუსტრია.
Trench Coat – წყალგაუმტარი ელეგანტურობა
მიუხედავად იმისა, რომ „ტრენჩი“ თავდაპირველად სამხედროებისთვის შეიქმნა, სწორედ ავიატორებმა აქციეს ის განსაკუთრებულ სტილად. თომას ბარბერიმ გამოიგონა წყალგაუმტარი ქსოვილი (გაბარდინი), რომელიც იდეალური იყო ღია კაბინაში მყოფი პილოტებისთვის წვიმიან ამინდში. მისი სიმსუბუქე და ფუნქციურობა პილოტებს თავისუფლად მოძრაობის საშუალებას აძლევდა, დღეს კი ეს სამოსი კლასიკური მოდის სიმბოლოა.
Shearling Boots – თბილი ჩექმები მაღალი სიმაღლეებისთვის
ის, რასაც დღეს ხშირად ზამთრის კომფორტულ ფეხსაცმელად მივიჩნევთ, ავიაციიდან მოდის. მაღალ სიმაღლეზე ფეხების გაყინვა პილოტებისთვის ერთ-ერთი ყველაზე დიდი საფრთხე იყო. ცხვრის ტყავისგან დამზადებული თბილი ჩექმები (ე.წ. „Fug Boots“) ეკიპაჟის წევრებისთვის სიცივისგან თავდაცვის ერთადერთი საშუალება იყო ხანგრძლივი ფრენების დროს.
ავიაცია არ არის მხოლოდ ტრანსპორტი – ეს არის სფერო, რომელმაც უდიდესი გავლენა მოახდინა ჩვენს ყოველდღიურობაზე. როდესაც შემდეგში „ბომბერს“ მოიცვამთ ან „ავიატორებს“ გაიკეთებთ, გახსოვდეთ, რომ თქვენ ატარებთ ისტორიას, რომელიც ცაში დაიწერა.
Avia.ge – თქვენი მოგზაურობის ერთგული მეგობარი. დაგვირეკე: 551 907 907
[…] უნდა აღინიშნოს ავიაციის გავლენა მოდაზე, რადგან არსებობს ნივთები რომლებიც […]