საერთაშორისო მოგზაურობა ხშირად გაუთვალისწინებელ სირთულეებთანაა დაკავშირებული, რომელთა შორის ერთ-ერთი ყველაზე სტრესული ბარგის დაკარგვა ან დაზიანებაა. ცოტა ხნის წინ გამოქვეყნდა კვლევა, რომელიც ავლენს, თუ რომელი ავიაკომპანიები უმკლავდებიან ამ პრობლემას ყველაზე წარმატებით და რომელთათვის რჩება ის კვლავ მთავარ გამოწვევად.
კვლევებმა, რომელიც მგზავრების შეფასებებს (Trustpilot) და მედიაში გავრცელებულ მონაცემებს ეყრდნობა, საკმაოდ მოულოდნელ შედეგებს გვიჩვენებს.
ლიდერი და აუტსაიდერი ავიაკომაპნიები
ბევრისთვის გასაკვირად, ყველაზე საიმედო ავიაკომპანიად დაბალბიუჯეტიანი Ryanair დასახელდა. სტატისტიკის მიხედვით, ყოველ 1000 მგზავრზე ბარგის დაკარგვის მხოლოდ 1.2 შემთხვევა ფიქსირდება, რაც იმას ნიშნავს, რომ თქვენი ჩემოდნის გაუჩინარების რისკი მხოლოდ 0.12%-ია.
რეიტინგში მეორე პოზიცია Jet2-მა დაიკავა (1.5 დაკარგული ბარგი 1000 მგზავრზე, 0.15%-იანი ალბათობა), მას კი Virgin Atlantic მოსდევს, სადაც ეს მაჩვენებელი 0.2%-ს შეადგენს.
ანტირეიტინგის სათავეში British Airways მოექცა. ამ კომპანიის შემთხვევაში, ყოველ 1000 მგზავრზე 21 დაკარგული ან არასწორად დამუშავებული ბარგი მოდის, რაც 2.1%-იან რისკს უდრის. პრობლემური ავიაკომპანიების სიაში ასევე მოხვდნენ TUI (6 დაკარგული ბარგი 1000 მგზავრზე), Wizz Air (5 ერთეული) და easyJet (2.8 ერთეული).
პირდაპირი ფრენები თბილისიდან
| Destination | Departure at | Return at | Airline | Find tickets |
|---|---|---|---|---|
| Adler/Sochi | 6 August 2026 | 14 August 2026 |  | ავიაბილეთები 437 -დან |
| Almaty | 11 September 2026 | 14 September 2026 |  | ავიაბილეთები 1 137 -დან |
| Amsterdam | 14 October 2026 | 25 October 2026 |  | ავიაბილეთები 793 -დან |
| Ankara | 31 August 2026 | 7 September 2026 |  | ავიაბილეთები 351 -დან |
| Athens | 15 October 2026 | 31 October 2026 |  | ავიაბილეთები 487 -დან |
| Abu Dhabi | 7 September 2026 | 14 September 2026 |  | ავიაბილეთები 840 -დან |
| Antalya | 13 October 2026 | 20 October 2026 |  | ავიაბილეთები 427 -დან |
| Baku | 10 February 2027 | 10 February 2027 |  | ავიაბილეთები 307 -დან |
| Belgrade | 2 October 2026 | 11 October 2026 |  | ავიაბილეთები 805 -დან |
| Berlin | 12 August 2026 | 19 August 2026 | | ავიაბილეთები 1 467 -დან |
აღსანიშნავია, რომ British Airways-ი კატეგორიულად არ ეთანხმება კვლევის მეთოდოლოგიას და მას „სტატისტიკურად დაუსაბუთებლად“ მიიჩნევს. კომპანიის წარმომადგენლების თქმით, ბარგის უსაფრთხოება მათი მთავარი პრიორიტეტია და მსგავსი პუბლიკაციები უსამართლოდ აყენებს ჩრდილს მათი თანამშრომლების ძალისხმევას.
ზოგადი სტატისტიკა
საავიაციო ტექნოლოგიური კომპანია SITA-ს მონაცემებით, 2024 წელს მსოფლიო მასშტაბით 33.4 მილიონი ერთეული ბარგი დაიკარგა.
ევროპაში ბარგის დაკარგვის რისკი ორჯერ უფრო მაღალია, ვიდრე მსოფლიოს სხვა რეგიონებში. თუმცა, პოზიტიური ტენდენციაც შეინიშნება: თუ 2022 წელს 1000 მგზავრზე 15.7 დაკარგული ბარგი აღირიცხებოდა, 2024 წლისთვის ეს რიცხვი 12.3-მდე შემცირდა. ეს პროგრესი განსაკუთრებით საყურადღებოა იმ ფონზე, რომ 2024 წელს ევროპამ მგზავრების რეკორდულ რაოდენობას უმასპინძლა, რამაც ბარგის გადაზიდვის მოცულობა მნიშვნელოვნად გაზარდა.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907
