ქუთაისის აეროპორტში ახალი ასაფრენ-დასაფრენი ბილიკის მშენებლობა 2026 წლისთვის უნდა დასრულდეს. ამის შესახებ „სამთავრობო პროგრამის შესრულების მიმდინარეობის შესახებ მოხსენებაშია“ აღნიშნული, რომელიც 2023 წლის ივნისიდან – 2024 წლის მაისამდე პერიოდს მოიცავს.
დოკუმენტის მიხედვით, ქუთაისის საერთაშორისო აეროპორტი -ს ასაფრენ-დასაფრენი ზოლისა და მასთან დაკავშირებული ინფრასტრუქტურული პროექტირების სამუშაოები უკვე დასრულდა. „ამჟამად მიმდინარეობს ბაზრის კვლევა სამშენებლო სამუშაოების შესყიდვის მიზნით, რომლის საფუძველზეც შესაბამისი ტენდერი გამოცხადდება. სამშენებლო სამუშაოების დაწყება 2024 წელსვე იგეგმება, ხოლო მთლიანი პროექტის საბოლოო დასრულება კი 2026 წელს.
2024 წლის მაისში, დასრულდა საჰაერო ტრანსპორტის საერთაშორისო ასოციაციის (IATA) ექსპერტების მიერ აეროპორტის განვითარების გენერალურ გეგმაზე მუშაობა. კვლევა და შეფასებები მოიცავს:
- აეროპორტის ტერმინალის,
- სამიმოსვლო ბილიკების,
- ასაფრენ-დასაფრენი ზოლის,
- ბაქანის და აეროპორტის სხვა ინფრასტრუქტურის ახლანდელს მდგომარეობას,
- მოკლე, საშუალო და გრძელვადიანი მგზავრთნაკადისა და საჰაერო ხომალდების მოძრაობის პროგნოზებს;
- აეროპორტის ტერმინალისა და აეროდრომის განვითარების შესაძლო სცენარების შემუშავებასა და შეფასების საფუძველზე საუკეთესო ალტერნატიული ვარიანტის შერჩევას.
პირდაპირი ფრენები ქუთაისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| ალმათი | 13 დეკემბერი 2026 | 16 დეკემბერი 2026 |  | ავიაბილეთები 484 -დან |
| ათენი | 4 დეკემბერი 2026 | 6 დეკემბერი 2026 |  | ავიაბილეთები 236 -დან |
| ბარსელონა | 20 დეკემბერი 2026 | 17 იანვარი 2027 | | ავიაბილეთები 377 -დან |
| ბერლინი | 26 დეკემბერი 2026 | 12 იანვარი 2027 | | ავიაბილეთები 371 -დან |
| ბრიუსელი | 24 დეკემბერი 2026 | 31 დეკემბერი 2026 | | ავიაბილეთები 301 -დან |
| ბრატისლავა | 1 დეკემბერი 2026 | 5 დეკემბერი 2026 | | ავიაბილეთები 277 -დან |
| ბუდაპეშტი | 3 დეკემბერი 2026 | 6 დეკემბერი 2026 | | ავიაბილეთები 267 -დან |
| დორტმუნდი | 14 იანვარი 2027 | 21 იანვარი 2027 | | ავიაბილეთები 304 -დან |
| მემინგენი | 3 თებერვალი 2027 | 10 თებერვალი 2027 | | ავიაბილეთები 286 -დან |
| ფრანკფურტი | 8 დეკემბერი 2026 | 15 დეკემბერი 2026 | | ავიაბილეთები 384 -დან |
აღსანიშნავია, რომ 2024 წლის დასაწყისში დასრულდა ქუთაისის საერთაშორისო აეროპორტის ავტოსადგომის გაფართოების სამუშაოები, რამაც ჯამში ავტოსადგომზე ადგილების რაოდენობა 700-ამდე გაზარდა.
2023 წლის ბოლოს, ხელი მოეწერა „ქუთაისის საერთაშორისო აეროპორტის თვითმფრინავების სადგომი ბაქნის რეკონსტრუქციისა და სადგომების სქემის შეცვლის სამშენებლო სამუშაოების შესახებ ხელშეკრულებას“, მშენებლობა დასრულდება 2024 წელს.
ამასთან, არსებული საჰაერო სატვირთო პოტენციალის ათვისების მიზნით, 2023 წელს ხელი მოეწერა მცირე ზომის სატვირთო ტერმინალის მშენებლობის შესყიდვის ხელშეკრულებას, რომლიც მიმდინარე წელს დასრულდება“, – აღნიშნულია დოკუმენტში.
