დუბაის უდაბნოს საფარის ტური არის დუბაის ყველაზე პოპულარული და ესქტრემალური აქტივობა. ეს არის სათავგადასავლო ტური, რომელიც საშუალებას გაძლევთ დროებით მოსწყდეთ ცათამბჯენების ქალაქს და შეიგრძნოთ არაბეთის უდაბნოს მისტიკა.
უდაბნოს ტური სხვადასხვა აქტივობებისგან შედგება, რაც მას მრავალფეროვანს და დაუვიწყარს ხდის. კლასიკური ტურის მიხედვით, პირველი აქტივობაა უდაბნოს დიუნებზე რბოლა, რომლის დროსაც გამოცდილი მძღოლები ყველგანმავალი ავტომობილებით “იპყრობენ” ქვიშის მაღალ დიუნებს. დიუნებზე რბოლა 20-30 წუთი გრძელდება და ის ნამდვილად “ამერიკულ მთებს” მოგაგონებთ ქვიშაზე.
რბოლის შემდეგ, ჩერდებით უდაბნოს შუაგულში, სადაც შეგიძლიათ ქვიშის სერფინგის დაფით პირდაპირ დიუნებზე, გადაიღოთ ულამაზესი ფოტოები მზის ჩასვლის ფონზე და გაისეირნოთ აქლემებით.
ტურის კულმინაცია, კი, ბედუინების ბანაკშია, სადაც უამრავი გასართობი აქტივობა გელოდებათ. დაიწყებთ ვახშმით, სადაც წარმოდგენილი იქნება არაბული სამზარეულო, როგორც კერძები, ისე ტკბილეული. ვახშმის შემდეგ შეგიძლიათ დატკბეთ შოუ-პროგრამებით, როგორებიცაა: მუცლის ცეკვები, ცეცხლოვანი შოუ და ტანურა (ტრადიციული ეგვიპტური ცეკვა). ასევე, ბანაკში გამოყოფილია ცალკე სივრცეები ჩილიმისთვის და ხელზე მოხატვისთვის.
