დანიის ეროვნული მუზეუმი ქვეყნის უმთავრესი კულტურულ-ისტორიული ცენტრია. შენობა კოპენჰაგენის გულში, მე-18 საუკუნის პრინცის სასახლეშია განთავსებული. ეს არის ადგილი, სადაც დანიის ისტორია ქვის ხანიდან დღემდე ცოცხლდება.
მუზეუმის ყველაზე პოპულარული ნაწილი ვიკინგების ექსპოზიციაა. აქ შეგიძლიათ ნახოთ ნამდვილი საბრძოლო იარაღები, ძვირფასი სამკაულები და ვიკინგების გემების ნარჩენებიც კი. ეს არის საუკეთესო ადგილი იმის გასაგებად, თუ როგორ მართავდნენ და განაგებდნენ ზღვებს ეს ლეგენდარული მეომრები.
მუზეუმში ინახება რამდენიმე ექსპონატი, რომლებსაც მსოფლიო მნიშვნელობა აქვთ:
მზის ეტლი(The Sun Chariot) – ბრინჯაოს ხანის შედევრი, რომელიც ასახავს მითს მზის მოძრაობის შესახებ.
ჰუნდესტრუპის ქვაბი – ვერცხლის უზარმაზარი ჭურჭელი, რომელიც კელტური კულტურის უნიკალური ნიმუშია.
ეთნოგრაფიული კოლექცია – გრენლანდიური კაიაკებიდან დაწყებული, შორეული აღმოსავლეთის იშვიათი ნივთებუთ დამთავრებული.
მუზეუმში ასევე ნახავთ სპეციალურად ბავშვებისთვის განკუთვნილ სივრცეს, საბავშვო მუზეუმს, სადაც ბავშვებს ყველაფერზე შეხების უფლება აქვთ: “იმგზავრონ” ვიკინგების გემით, ჩაიცვან შუა საუკუნეების სამოსი და ნახონ 100 წლის წინანდელი სკოლა.
დანიის ეროვნული მუზეუმი ნამდვილად წარმოადგენს ქალაქის ერთ-ერთ ყველაზე საინტერესო ღირსშესანიშნაობას, ამიტომ ის აუცილებლად უნდა მოინახულოთ.
