მოგზაურობა და ფრენა ყოველთვის დიდ ემოციებთან არის დაკავშირებული, მით უმეტეს, თუ ეს ევროპული სოლო მოგზაურობაა. აუცილებელია, პირველი მოგზაურობა გახდეს საუკეთესო გამოცდილება, რადგან ეს შეგრძნებები სამუდამოდ რჩება და შემდეგი მოგზაურობისთვის განწყობას ქმნის.
ევროპული მოგზაურობები დამწყებთათვის ყოველთვის სასიამოვნო ემოციებთან ასოცირდება, რადგან ეს კონტინენტი მრავალ საინტერესო კულტურას აერთიანებს, ტურისტებს სთავაზობს უსაფრთხო გარემოსა და კარგად განვითარებულ ინფრასტრუქტურას.
იმისთვის, რომ გაგიმარტივოთ მოგზაურობა, ამ სტატიაში დეტალურად მოგიყვებით, როგორ უნდა დაგეგმოთ პირველი დამოუკიდებელი „გასეირნება“ ევროპაში ისე, რომ თავიდან აიცილოთ შეცდომები, რომლებსაც დამწყები სოლო მოგზაურები ყველაზე ხშირად უშვებენ, და მაქსიმალურად ისიამოვნოთ ამ მრავალფეროვანი კონტინენტის ხიბლით.
რატომ არის ევროპა იდეალური არჩევანი პირველი მოგზაურობისთვის
ევროპა და, რა თქმა უნდა. ევროპა დამწყები მოგზაურებისთვის საუკეთესო გადაწყვეტილებაა. აქ ქვეყნები ერთმანეთთან იმდენად ახლოს არის, რომ შეგიძლია მატარებლით რამდენიმე წუთში აბსოლუტურად სხვა კულტურულ გარემოში აღმოჩნდე. თუ ინგლისური იცი, ევროპაში მოგზაურობისას ენობრივი ბარიერის წარმოქმნის საფრთხე თითქმის ნულის ტოლია, რადგან ინგლისური ენა ყველა ქვეყანაში ძალიან ფართოდ გამოიყენება, რაც დიდ დისკომფორტს აგარიდებს თავიდან. რაც შეეხება ტრანსპორტს, ის ძალიან გამართულია, ტურისტული სერვისები კი მარტივად ხელმისაწვდომი.
ამ ყველა დადებით ასპექტთან ერთად არის კიდევ ერთი და უმნიშვნელოვანესი — იაფი ავიაბილეთები. რა თქმა უნდა, სად თუ არა ევროპაში. სწორი პერიოდის შერჩევის შემთხვევაში შეგიძლია ავიაბილეთები შეიძინო 59 ლარადაც კი, რაც დამოუკიდებელ მოგზაურობას კიდევ უფრო ხელმისაწვდომს ხდის.
როგორ შევარჩიოთ ქვეყანა და ქალაქი პირველად
პირველი მოგზაურობისთვის უმჯობესია ისეთი ქვეყნების ან ქალაქების შერჩევა, სადაც უსაფრთხოება, ტურისტული ინფორმაცია და ტრანსპორტი მაღალ დონეზეა. პოპულარული არჩევანია იტალია (ვენეცია, მილანი), ესპანეთი (მადრიდი), ჩეხეთი (პრაღა), პოლონეთი და უნგრეთი. ეს ქვეყნები ფასისა და იდეალური გამოცდილების კარგ ბალანსს ქმნის.
პირველი მოგზაურობის დროს უმჯობესია, ზედმეტად არ დაიტვირთოთ თავი და ერთი ან ორი ქალაქის მონახულებით შემოიფარგლოთ, რათა დაღლილობისა და გადატვირთვის ნაცვლად შეიგრძნოთ მოგზაურობის რეალური სიამოვნება.
ვიზა და საჭირო დოკუმენტები
ევროპაში მოგზაურობისთვის ხშირად საჭიროა შენგენის ვიზა. ვიზის მიღებისას ყურადღება უნდა მიაქციოთ შემდეგ დოკუმენტებს: საცხოვრებლის ჯავშნის დამადასტურებელ დოკუმენტს, სამოგზაურო დაზღვევას, რა თქმა უნდა, ავიაბილეთების ჯავშანს და ბარათზე საკმარის ბალანსს.
პირველი მოგზაურობის დროს გავრცელებული შეცდომაა არასრული დოკუმენტაცია, ამიტომ გაუგებრობისა და დაბნეულობის თავიდან ასაცილებლად ყველაფერი მოამზადეთ წინასწარ.
როგორ შევიძინოთ ავიაბილეთები სწორად
მოგზაურობის ძირითადი და პირველი ხარჯი ავიაბილეთების შეძენაა, თუმცა სწორი დაგეგმვით მნიშვნელოვანი თანხის დაზოგვა შესაძლებელია. ონლაინ ავიაბილეთების შეძენა საშუალებას გაძლევთ შეადაროთ ფასები და შეარჩიოთ საუკეთესო ვარიანტი.
ავიაბილეთების ყიდვა სასურველია გამგზავრებამდე 1–3 თვით ადრე. ყველაზე ხელმისაწვდომი ავიაბილეთები სამუშაო დღეებში და არასეზონურ პერიოდში გვხვდება. დაბალბიუჯეტური ავიაკომპანიები იდეალურია მოკლე ევროპული ფრენებისთვის, თუმცა აუცილებლად მიაქციეთ ყურადღება საბარგო პოლიტიკას, რადგან ყველა ავიაკომპანიას განსხვავებული წესები აქვს.
საცხოვრებლის შერჩევა
საცხოვრებლის შერჩევა არა მხოლოდ პირველ, არამედ ყველა მოგზაურობისას განსაკუთრებულ ყურადღებას მოითხოვს, განსაკუთრებით მაშინ, თუ ეს პირველი გასვლაა ქვეყნიდან. თუ კომფორტს ანიჭებთ უპირატესობას, სასტუმროები საუკეთესო არჩევანია; სოციალიზაციისთვის უმჯობესია ჰოსტელი, ხოლო თუ გსურთ, თავი ადგილობრივად იგრძნოთ, გირჩევთ, იქირაოთ აპარტამენტი.
საცხოვრებლის დაჯავშნისას გაითვალისწინეთ მისი ადგილმდებარეობა – შერჩეული ადგილი უმჯობესია ახლოს იყოს ტრანსპორტთან ან ქალაქის ცენტრალურ ნაწილთან. სანამ საცხოვრებელს დაჯავშნით, აუცილებლად გადახედეთ შეფასებებსა და რეიტინგებს.
გადაადგილება ევროპაში
ევროპაში ნებისმიერ ადგილას მარტივად მიხვალთ როგორც ქალაქის შიგნით, ისე ქვეყნებს შორის. მეტრო, ავტობუსი და ტრამვაი თითქმის ყველა დიდ ქალაქში ძალიან ეფექტურად მუშაობს. მატარებელი საუკეთესო და ყველაზე კომფორტული ვარიანტია ქალაქებს შორის გადაადგილებისას.
თუ უფრო სწრაფ გზას ეძებთ, შიდა ფრენებიც საკმაოდ იაფია და დროს საგრძნობლად ზოგავს.
ბიუჯეტის სწორად დაგეგმვა
საბოლოოდ, დამოუკიდებელი მოგზაურობისას ბიუჯეტის მართვა ყველაფრის გადამწყვეტი ასპექტია. გაითვალისწინეთ, რას მოიცავს ყოველდღიური ხარჯები: კვებას, ტრანსპორტს და გასართობ აქტივობებს (მუზეუმები, გასართობი ატრაქციები). თანხის დაზოგვა შესაძლებელია უფასო აქტივობებით, როგორიც ზოგიერთ ქვეყანაში უფასო ტურები და მუზეუმების უფასო დღეებია.
მნიშვნელოვანია ბიუჯეტის წინასწარ დაგეგმვა – ეს სტრესს მნიშვნელოვნად ამცირებს.
უსაფრთხოება და პრაქტიკული რჩევები
ევროპა ტურისტებისთვის ნამდვილად უსაფრთხო გარემოს ქმნის, თუმცა ყურადღება მაინც საჭიროა. პირადი ნივთები ყოველთვის დაცულად გქონდეთ, დოკუმენტების ასლები კი ცალკე შეინახეთ. ასევე სასურველია იცოდეთ გადაუდებელი დახმარების ნომერი, რომელიც მთელ ევროპაში მოქმედებს (112).
თუ ყველაფერს სწორად დაგეგმავთ, პირველი დამოუკიდებელი მოგზაურობა აუცილებლად გახდება დაუვიწყარი გამოცდილება. სწორად დაგეგმილი ბიუჯეტი და შერჩეული ქვეყანა მოგცემთ თავისუფლებისა და თავდაჯერებულობის შეგრძნებას. თუ დამოუკიდებელი მოგზაურობის დაგეგმვა მარტოს არ გინდათ გაუთვალისწინებელი შემთხვევების თავიდან ასაცილებლად, ავიაბილეთების შეძენასა და საუკეთესო ქვეყნის შერჩევაში avia.ge დაგეხმარებათ.
Avia.ge – 8 წელი თქვენს სამსახურში! საიმედო პარტნიორი მოგზაურობაში.
დაგვირეკე: 551 907 907
