7 დეკემბერს მსოფლიოში სამოქალაქო ავიაციის საერთაშორისო დღე აღინიშნა. ეს თარიღი ავიაციის სფეროს ყველა პროფესიონალს ეძღვნება მფრინავებს, ბორტგამცილებლებს, ავიამეთვალყურეებს, ტექნიკოსებსა და ყველა იმ ადამიანს, ვინც ყოველდღიურად ჩვენი უსაფრთხო და კომფორტული მგზავრობისთვის ზრუნავს. საერთაშორისო დღის აღსანიშნავად სხვადასხვა ქვეყნის ავიაკომპანიებმა და საავიაციო სტრუქტურებმა სპეციალური განცხადებები გაავრცელეს.
საქართველოს ავიაციის სფეროს მილოცვები
საქართველოს აეროპორტების ოპერატორმა, TAV Georgia-მ ავიაციის სფეროში დასაქმებულ ყველა პროფესიონალს მადლობა გადაუხადა უსაფრთხო და კომფორტული ფრენების უზრუნველსაყოფად გაწეული ყოველდღიური შრომისა და ერთგულებისთვის.
საკუთარი მილოცვა გაავრცელა ეროვნულმა ავიაკომპანიამ – Georgian Airways-მა. ავიაკომპანიამ სამოქალაქო ავიაციის საერთაშორისო დღე მიულოცა მფრინავებს, ბორტგამცილებლებს, ავიატექნიკოსებს, ავიამეთვალყურეებსა და ავიაციის სფეროში დასაქმებულ ყველა პროფესიონალს, რომელთა თავდადებული შრომის წყალობით საქართველოს ავიაცია სტაბილურად ვითარდება.
თურქეთის ავიახაზების გზავნილი სამოქალაქო ავიაციის მსოფლიო დღესთან დაკავშირებით
7 დეკემბერს სამოქალაქო ავიაციის მსოფლიო დღე სპეციალური განცხადებით აღნიშნა ასევე მსოფლიოს ერთ-ერთმა უდიდესმა ავიაკომპანიამ – Turkish Airlines-მა (THY). ავიაკომპანიამ სიამაყით გაიხსენა საკუთარი ისტორია და აღნიშნა, რომ 1933 წელს ხუთი თვითმფრინავით დაწყებული სამოქალაქო ავიაციის გზა დღეს მსოფლიოს ყველაზე მეტ ქვეყანაში მფრინავი ავიახაზის სტატუსით გრძელდება.
THY-ის ოფიციალურ განცხადებაში ხაზგასმით აღინიშნა, რომ მათთვის უდიდესი ბედნიერებაა, როდესაც თურქული სტუმართმოყვარეობით მსოფლიოს სხვადასხვა კუთხეში მგზავრებს მათ ოცნებებთან აკავშირებენ.
სამოქალაქო ავიაციის საერთაშორისო დღე წელს მსოფლიოს მასშტაბით ერთიანად აღინიშნა და კიდევ ერთხელ წარმოაჩინა იმ ადამიანების მნიშვნელობა, რომელთა უშუალო შრომის გარეშე თანამედროვე ავიაცია წარმოუდგენელია. ავიაციის სფეროს წარმომადგენლების პროფესიონალიზმი, პასუხისმგებლობა და თავდადება ყოველდღიურად უზრუნველყოფს მილიონობით მგზავრის უსაფრთხო გადაადგილებას მთელ მსოფლიოში.
Avia.ge – 8 წელი თქვენს სამსახურში! საიმედო პარტნიორი მოგზაურობაში.
დაგვირეკე: 551 907 907
