ჰამბურგში მოგზაურობას გეგმავთ და ხელოვნება თქვენი მთავარი გატაცების სფეროა? მაშინ არ დაელოდოთ წვიმიან ამინდს მუზეუმებში ვიზიტისათვის და ესტუმრეთ ჰამბურგის სამხატვრო გალერეას. აქ დაგხვდებათ ევროპული ხელოვნების შედევრები მე-14 საუკუნიდან თანამედროვეობამდე. გალერეაში გამოფენილია გერმანული რომანტიზმის, კლასიციზმისა თუ იმპრესიონიზმის ნამუშევრები. ალბათ ყველას გვსმენია ედგარ დეგას, კასპარ დევიდ ფრიდრიხისა თუ ედუარდ მანეს შესახებ. გალერეაში კასპარ დევიდ ფრიდრიხის ყველაზე ცნობილი ნახატი “მოხეტიალე ნისლის ზღვის თავზე” დაგხვდებათ.
მოკლედ, ჰამბურგის სამხატვრო გალერეა ევროპული ხელოვნების ბრწყინვალე ნიმუშებს ინახავს. არ გადადოთ აქ ვიზიტი და იმოგზაურეთ ხელოვნების სამყაროში. ამ ბლოგში შემოგთავაზებთ ტექნიკური სახის ინფორმაციას იმის შესახებ, თუ როგორ დაგეგმოთ თქვენი ვიზიტი მარტივად ამ საოცარ ადგილას.
