ნიცა – მარტივი გზამკვლევი მოგზაურობის დაგეგმვისთვის

ნიცას “ძველი ქალაქი” (In Nice Old Town (“Vieux Nice”)) – პირველად თუ მოგზაურობთ ნიცაში, ძველი ქალაქის ტერიტორიაზე დარჩენა კომფორტული არჩევანი იქნება. აქ ნახავთ ბევრ ტურისტულ ადგილს, ღირსშესანიშნაობებს, ტერასიან ფრანგულ კაფეებსა თუ პაბებს.

ნიცას ცენტრი (Nice City Center (Place Massena/Jean Médecin)) – ეს უბანი იდეალურია იმ შემთხვევაში, თუ შოპინგი გიყვართ. აქ ცნობილ საშოპინგო ქუჩებზე აღმოჩნდებით.

ციმიეზი (Cimiez) – თუ ადგილობრივების გარემოცვაში დარჩენა გსურთ, ამ უბანს გავუწევდით რეკომენდაციას. იგი საკმაოდ დიდია და მარტივად ნახავთ ბიუჯეტურ სასტუმროებსაც. უბანი გარშემორტყმულია ულამაზესი ბუნებით.

სანაპირო ტერიტორია (On the Promenade des Anglais (by the sea)) – თუ თქვენი დასვენების მთავარი მოტივაცია განტვირთვა და ზღვაზე ყოფნაა, ამ უბანში დარჩენას გირჩევდით. აქ ნახავთ ბევრ კარგ სასტუმროს, თქვენი მოთხოვნებისა და ბიუჯეტის შესაბამისად.

თავისუფლების უბანი (Libération) – ეს უბანი შედარებით ბიუჯეტურია დასარჩენად. აქედან მარტივად შეძლებთ გადაადგილებას ქალაქის ნებისმიერ წერტილამდე. უბანი ცნობილია თავისი ბაზრობებით.

წმინდა ნიკოლოზის ტაძარი აუცილებლად უნდა მოინახულოთ, თუ კულტურული და არქიტექტურული ძეგლების დათვალიერების მოყვარული ხართ. იგი გაგაოცებთ თავისი ექსტერიერითა და მდიდარი ინტერიერით. ტაძარი მე-20 საუკუნეში აიგო ნიცას რუსი მოსახლეობის მოთხოვნის შედეგად. იგი რამდენიმე ფერშია შესრულებული და მის ისტორიულ შინაარსს არქიტექტურული სტილის მრავალფეროვნება კარგად ერწყმის.

სპორტის ეროვნული მუზეუმი კარგი ვიზუალიზაციაა იმისა, თუ როგორ განვითარდა ადამიანის ფიზიკური აქტივობები დროთა განმავლობაში. მუზეუმში ნახავთ მე-16 საუკუნიდან მოყოლებული სპორტთან დაკავშირებულ ნივთებს, მათ შორის ნახატებსაც. აქ დაგხვდებათ ველოსიპედები, ნავები და ფორმულა 1-ის მანქანაც კი.

როტშილდის ვილა ეფრუსი ფრანგული აბსოლუტიზმის, ლუი მე-15-ის მდიდრული ყოფის იდეალური ილუსტრაციაა. დაათვალიერეთ მისი გრანდიოზული მისაღები, აპარტამენტებო, ბაღები და ტერასები, რომლებიც ხმელთაშუა ზღვის სანაპიროს გადაჰყურებს.

მონაკო ნიცადან ცოტა მოშორებით მდებარეობს, თუმცა კრუიზით შეგიძლიათ მის დაუვიწყარ სანაპიროებს ესტუმროთ, დაათვალიეროთ ხმელთაშუა ზღვის ულამაზესი მხარეები და ნახოთ ადგილები, სადაც არაერთი ცნობილი ფილმია გადაღებული.

თუ გსურთ ნიცას მე-19 საუკუნის ისტორიას უკეთ გაეცნოთ, მაშინ აუცილებლად ეწვიეთ ამ მუზეუმს. იგი წარმოადგენს ნაპოლეონის ბრწყინვალე ეპოქის სამახსოვრო ძეგლს. გარდა სიმბოლური და კულტურული დატვირთვისა, შენობის არქიტექტურაც ყურადსაღებია.

ვერდენის ხეობა ტურისტების საყვარელი ადგილია. ვერდენის ხეობის ტური მდინარე ვერდენის შემოგარენის, მისი ულამაზესი ბაღების დათვალიერებას გულისხმობს. აქ მუდმივად დადის კაიაკები, რომლებითაც მდინარეზე გასეირნებას შეძლებთ. აქვე მოინახულებთ ხეობის ულამაზეს ჩანჩქერსა და კანიონს.

ვილა კერილოსი ნამდვილი ისტორიული ცენტრია. მზად ხართ ნახოთ საბერძნეთი ნიცაში? მაშინ აუცილებლად უნდა მოინახულოთ ვილა კერილოსი, დაათვალიეროთ მისი ულამაზესი დარბაზები და 12 მარმარილოს სვეტი. ვილაში ანტიკური მოწყობის ინტერიერი იდეალურადაა შერწყმული თანამედროვე კომფორტს.

კოტ დ’აზურის მერინდელნდი იდეალური არჩევანია, თუ გართობა გსურთ ან თუ ბავშვებთან ერთად მოგზაურობთ. აქ დაგხვდებათ აკვაპარკი (aquasplash), რომლის წყლის სასრიალოებზეც დაუვიწყარ დროს გაატარებთ.

ლუმინისცენცია და ღვთისმშობლის ტაძარი დაუვიწყარ გამოცდილებას გპირდებათ. ნიცას ღვთისმშობლის ტაძარი მსოფლიოში ერთ-ერთი გამორჩეული არქიტექტურული ძეგლია. შენობა ბრწყინვალე არქიტექტურული ძეგლია. ყურადღება მიაქციეთ მის ნეო-გოთიკური სტილის წყობას. ღვთისმშობლის ვარდი კი ტაძრის დამამშვენებელი სიმბოლიკაა. მისი ნახვა ტურისტებს ყოველთვის აღაფრთოვანებს. აქ იმართება ლუმინისცენცია – სინათლეების სანახაობა და ხშირად ორკესტრიც უკრავს. სანახაობის დროს განათებული ტაძრის ფერადი შუშები კი სამუდამოდ დაგამახსოვრებთ თავს.

ლასკარის მუზეუმი ნიცას ერთ-ერთი ყველაზე ლამაზი მუზეუმია. იგი ბაროკოს სტილშია აშენებული და ინახავს ძველ მუსიკის საკრავებს და სხვადასხვა ნივთებს ისტორიული ეპოქებიდან. თუ მდიდრული ცხოვრების სტილისა და პარიზული კომფორტის ნახვა გსურთ, აუცილებლად ეწვიეთ ამ მუზეუმს.

Restaurant JAN – ეს ერთ-ერთი პოპულარული რესტორანია ნიცაში. აქ დააგემოვნებთ ფრანგულ სამზარეულოს, რომელსაც სხვა ქვეყნების ტექნიკური შტრიხებიც გასდევს.

Restaurant Sweet Sisters – ამ რესტორანში კი შეძლებთ ჯანსაღად მიირთვათ, დაბალანსებული საჭმელი. აქაური სტაფილოს ნამცხვარი აუცილებლად უნდა დააგემოვნოთ.

Restaurant Peixes – ზღვის პროდუქტების მოყვარულებისათვის აქაურობა ნამდვილი სამოთხეა. აქ ხმელთაშუა ზღვის ცნობილ ზღვის კერძებს დააგემოვნებთ.

Restaurant Acchiardo – ეს უსაყვარლესი ადგილი კი ოჯახურ რესტორანს წარმოადგენს. მას ადგილობრივებიც ხშირად სტუმრობენ. აქ დააგემოვნებთ ადგილობრივ კერძებს.

ნიცური სენდვიჩი ტურისტების საყვარელი საჭმელია ნიცაში მოგზაურობისას. იგი ქალაქის საფირმო კერძია და შედგება კვერცხის, თინუსის, ანჩოუსების, ზეთისხილის, ხახვისა და სხვა ინგრედიენტებისაგან. რამდენიმე პოპულარულ ადგილს შემოგთავაზებთ მის გასასინჯად:

• Le Tchitchou
• Chez Pipo
• La Femme du Boulanger
• Chez Acchiardo

ეს კაფეები “ნიცურ” კაფეებად იწოდება და ძირითადად ტრადიციულ საკვებს სთავაზობს მომხმარებლებს.

HUG Café – ეს კაფე ნამდვილი ფრანგული მოწყობისაა. მისი ღია ტერასა, ფერადი სკამები და მაგიდები და უგემრიელესი ტკბილეული აუცილებლად ღირს ცდად.

Le Country Store – ამ კაფეში ასევე ფრანგულად შეძლებთ საუზმისა და ლანჩის მირთმევას ყავასთან ერთად.

Café Paulette – ამ კაფეს ღამის 12 საათამდეც კი შეგიძლიათ ესტუმროთ. აქ მიირთმევთ საუზმეს, ლანჩს, ყავას, აქვთ ვეგანური და ვეგეტარიანული კერძებიც.

La Claque Cafe – ეს ერთ-ერთი ცნობილი კაფეა ნიცაში. აქ შეგიძლიათ გარეთ დასხდეთ და მიირთვათ მსუბუქად. კაფეში სერვისსა და კერძების მომზადების ტექნიკას დიდ ყურადღებას აქცევენ.

ნიცას კრუასანების გასინჯვის გარეშე ვერ დატოვებთ. შემოგთავაზებთ რამდენიმე საცხობს, სადაც უგემრიელეს ფრანგულ კრუასანებს გასინჯავთ:

• Maison Blacker – აქ დაგხვდებათ ნამდვილი ფრანგული გარემო და უგემრიელესი კრუასანების მთელი არჩევანი. თანაც, კაფე ნიცას ძველ ქალაქში, ტურისტულ ადგილას მდებარეობს
• Bio Brod – ამ საცხობში ფრანგული პურ-ფუნთუშეულისა და ტკბილეულის სია დაგხვდებათ.
• La Maison De Celine Pâtisserie – ეს საკონდიტრო ადგილი კი უგემრიელეს კრუასანებსა და ფრანგულ ტკბილეულს დაგახვედრებთ. ამ მრავალფეროვნებიდან ფავორიტის ამორჩევა ძალიან რთულია.

Nice Etoile – ერთ-ერთი ყველაზე ცნობილი მოლი ნიცაში. აქ შეგიძლიათ იშოპინგოთ მსოფლიო დონის ბრენდების მაღაზიებში და ეწვიოთ მოლის კაფე-რესტორნებს.

Cap3000 – ამ მოლს ულამაზესი ხედი აქვს – იგი კოტ დ’აზურის სანაპირო ზოლის გაყოლებაზე მდებარეობს, ქალაქის სამხრეთ ნაწილში. მაღაზიებში ვიზიტის პარალელურად შეგიძლიათ ზღვის ხედებით დატკბეთ.

Center Commercial Nice Etoile – ნიცას ცენტრალური საშოპინგო მოლი. აქ ნახავთ ტანსაცმლის, აქსესუარებისა თუ საოჯახო მაღაზიებს. მოლი დილის 11-დან საღამოს 7 საათამდე მუშაობს.

Marche aux Poissons – თუ ადგილობრივივით გსურთ დასვენება, ეწვიეთ ნიცას თევზის ბაზარს. აქ შეგიძლიათ შეიძინოთ მეთევზეების მიერ მოტანილი თევზი და თავადვე მოამზადოთ.

Cours Saleya Flower Market – ფრანგული ქალაქები გამოირჩევა ყვავილების სიყვარულით. ამ ბაზარზე ნახავთ უამრავ ყვავილს, მათ შორის ეგზოტიკურს. ბაზარი მონახულებად ნამდვილად ღირს, მისი ძალიან ფერადი და სასიამოვნო ატმოსფეროს გამო.

ნიცას ძველ ქალაქში ადგილობრივივით შეძლებთ შოპინგს. აქ დაგხვდებათ პატარა ბუტიკები და მაღაზიები, რომლებიც ადგილობრივ პროდუქციას შემოგთავაზებენ. ძველ ქალაქში ნახავთ ბევრ მარკეტსაც და ბაზრობებს. ძველ ქალაქში ნიცას ცნობილი ბაზრობა იმართება და შეგეძლებათ გასინჯოთ ნიცას ყველი ან ხორცეული. აქვე შეიძენთ ყვავილებსაც და თქვენს მოგზაურობას კიდევ უფრო ფერადს გახდით.

ტრამვაი ნიცაში გადაადგილების პოპულარული საშუალებაა. ქალაქის ტრამვაის 3 ძირითადი ხაზი აქვს, რომელიც ქალაქის ტერიტორიას მოიცავს, B-ხაზი კი აეროპორტს აკავშირებს ცენტრთან. ერთჯერადი ბილეთის ღირებულებაა €1.70. მათ შეძენას მარტივად შეძლებთ ბილეთების აპარატებიდან. არ დაგავიწყდეთ ბილეთების ვალიდაცია მგზავრობის დაწყებისას, რათა თავიდან აიცილოთ ჯარიმა.

ნიცაში პოპულარულია ელექტრო-ველოსიპედებით გადაადგილება. მათი სერვისით სარგებლობა ძალიან მარტივია. ქალაქს 250-მდე პარკინგის ზონა აქვს ველოსიპედებისათვის, სადაც შეძლებთ მათ დაქირავებას.

ნიცა ის ქალაქია, რომელიც იმსახურებს, რომ ფეხით შემოიაროთ. განსაკუთრებით, ქალაქის ცენტრი, სადაც უამრავი ტურისტული ღირსშესანიშნაობაა და ნამდვილი ფრანგული ატმოსფერო ტრიალებს. ანდაც, მისი უნიკალური სანაპირო ზოლი, შთამბეჭდავი ხედებით.

კოკოს სანაპირო (Coco Beach) – ნიცის ყველაზე ცნობილი სანაპირო, ოქროს ქვიშებით, ლამაზი კლდეებითა და გამჭვირვალე წყლით. აქ შეგიძლიათ ჯადოსნურ მზის ჩასვლას უყუროთ. აქაუროა რომანტიკული სეირნობისათვის ან პიკნიკისთვის იდეალურია. არ დაგავიწყდეთ წყლის ფეხსაცმელი, რათა შეისწავლოთ წყლის სამყარო.

ფოსეს სანაპირო (Plage des Fosses) – ეს შედარებით წყნარი სანაპირო ზოლია. აქ ულამაზესი ბუნება გადაგეშლებათ თვალწინ. კარგად შეძლებთ მყუდროდ დასვენებას, ცურვასა და გარუჯვას.

მარკეტის სანაპირო (Marquet Beach) – ეს სანაპირო ცნობილია ტურისტებზე მორგებული გარემოთი. აქ შეგიძლიათ კარგად დაისვენოთ და წყლის აქტივობებიც გამოსცადოთ.

მალას სანაპირო (La Plage de la Mala ) – ეს სანაპირო ზოლი კარკადაა ცნობილი ნიცაში. იგი ცენტრთან ახლოს მდებარეობს და დაიკვეხნის ოქროს ქვიშითა და კამკამა წყლით. აქ შეძლებთ არა მხოლოდ სანაპირო ზოლზე სეირნობასა და სიამოვნებას, არამედ აქ მდებარე კაფეებსა და რესტორნებში ვიზიტსაც.

მილიარდელების ყურე (Billionaires’ Bay) – შეიძლება უცნაურად ჟღერდეს, თუმცა სახელმა არ მოგატყუოთ, მილიარდელების ყურე უბრალოდ მდიდრული სასტუმროების გასწვრივ მდებარე სანაპირო ზოლია. აქაურობა ასევე კრისტალურად სუფთა წყლითა და ოქროს ქვიშით მოაწონებს მნახველებს.

სპიაგიას სანაპირო (La Spiaggia) – ძალიან კომფორტული სანაპირო ტურისტებისთვის. აქ დაგხვდებათ რესტორნები, საშხაპეები და გასარუჯად მოწყობილი სპეციალური სივრცეები.

პაიონის ბაღი (Promenade du Paillon) – ნიცას ქალაქის ცენტრში მდებარე პარკი, სადაც იდეალურად შეძლებთ განტვირთვას მცენარეების კორიდორებსა და სასეირნო ბილიკებში.

აქუასპლაში (Aquasplash) – წყლის პარკია. აქ შეგიძლიათ ძალიან კარგად იმხიარულოთ და გაერთოთ ოჯახთან და საყვარელ ადამიანებთან ერთად. წყლის ატრაქციონები და საოცარი ატმოსფერო მოგზაურობის დღეებს გაგიხალისებთ.

ეგზოტიკური ბაღი – ეზე (Jardin Exotique – Eze) – ამ ბაღში ნახავთ ძველი სასახლის ნანგრევებს. აქედან ქალაქის ულამაზესი ხედები იშლება, რაც არ ღირს გამოტოვებად.

კოლინის შატოს პარკი (Parc de la Colline du Château) – ამ ბაღში ნახავთ ძველი სასახლისა და მე-11 საუკუნის ტაძრის ნანგრევებს. აქაურობა კარგი არჩევანია არა მხოლოდ დასვენებისათვის, არამედ ისტორიული არტეფაქტების სანახავადაც.

ფენიქსის ყვავილების პარკი (Parc Floral Phoenix) – ნახევრად ბოტანიკური ბაღი, ნახევრად ზოოპარკი. აქ დაგხვდებათ უამრავი სხვადასხვა ჯიშის მცენარე და ცხოველი. აქაურობა ერთ დიდ ზღაპრულ სამყაროს წააგავს.

რენუარის მუზეუმის ბაღი (Jardins du Musée Renoir) – ეს ბაღი სპეციალურადაა მოწყობილი მე-20 საუკუნეში. აქ დაგხვდებათ ზეთისხილის ხეები, რომლებიც საუკუნეებს ითვლის. ბაღი უფრთხილდება ცხოველებსა და ფრინველებს, სეირნობისას აუცილებლად ჩაგესმებათ ჩიტების ჭიკჭიკი.

4 დღე აუცილებლად გაითვალისწინეთ ნიცაში სამოგზაუროდ, რათა მოასწროთ მისი მთავარი ღირსშესანიშნაობების დათვალიერება.

პირველ რიგში, ფრენისათვის საჭირო ნივთების წაღება არ დაგავიწყდეთ, იქნება ეს დოკუმენტები, პასპორტი თუ კომფორტული ბალიში. ასევე, შეამოწმეთ ყველა გაჯეტი და დამტენი. ნიცაში ბევრი სიარული მოგიწევთ, ამიტომ სპორტული ფეხსაცმელი და კომფორტული ტანსაცმელი აუცილებელია. ნიცაში ბევრი სანაპირო ზოლი დაგხვდებათ, ამიტომ არ დაგავიწყდეთ საცურაო კოსტიუმების წაღებაც.

ნიცაში მოგზაურობისას გაითვალისწინეთ, რომ აუცილებლად ეწვიოთ ქალაქის სანაპიროებს, მის ტაძრებსა და მუზეუმებს. ნიცა ღირებულია თავისი კულტურული და ისტორიული მნიშვნელობით, თუმცა განტვირთვისა და დასვენებისთვისაც დიდ შესაძლებლობებს გთავაზობთ.

ნიცაში მოგზაურობა საკმაოდ იაფია ევროპის სხვა ქალაქებთან შედარებით. თუ წინასწარ დაგეგმავთ მოგზაურობას, კიდევ უფრო ბიუჯეტურად შეძლებთ ავიაბილეთების შეძენასა და სასტუმროს ნომრების დაჯავშნას.

ნიცაში მოგზაურობა ტურისტებისთვის უსაფრთხოა, თუმცა პირად ნივთებს უნდა მოუფრთხილდეთ და მიაქციოთ ყურადღებას.

ზაფხულის თვეები საუკეთესოა ქალაქში სამოგზაუროდ, რადგან ამ დროს შეგეძლებათ სანაპიროთი ტკბობაც. თუმცა, როგორც წესი ქალაქში მთელი წლის მანძილზე კარგი ტემპერატურაა და შეძლებთ კომფორტულად დასვენებას.

NCE – ნიცის აეროპორტი ქალაქთან ყველაზე ახლოს, 6 კილომეტრში მდებარეობს.

ნიცას მიმართულებით ავიარეისებს ნახავთ თბილისის, ქუთაისისა და ბათუმის აეროპორტებიდან. გაითვალისწინეთ, რომ თბილისიდან ნიცაში პირდაპირი ფრენით შეძლებთ მგზავრობას, თუმცა ქუთაისიდან და ბათუმიდან მხოლოდ გადაჯდომით ავიარეისებს ნახავთ.

თბილისიდან ნიცაში ფრენები შეგვიძლია შემოგთავაზოთ შემდეგი ავიაკომპანიების შესრულებით: Georgian Airways, KLM, Lot, Pegasus. მათგან Georgian Airways პირდაპირ ავიარეისებს ასრულებს, დანარჩენები კი მხოლოდ გადაჯდომით დაფრინავენ. ავიაკომპანია პეგასუსი ქუთაისიდან და ბათუმიდანაც შემოგთავაზებთ ფრენებს. ბათუმიდან დამატებით Turkish Airlines -იც დაფრინავს.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. ყველაზე იაფი ფასის მისაღებად კი ეწვიეთ საძიებო პლატფორმა Avia.ge -ს.