ხელოვნებისა და ისტორიის მუზეუმი არა მხოლოდ ბრიუსელის, არამედ ევროპის მასშტაბით უდიდესი მუზეუმია. აქ თავმოყრილია ისტორიული, ეთნოგრაფიული და დეკორაციული ხელოვნების არტეფაქტები. მუზეუმი მდებარეობს ბრიუსელის უდიდეს პარკთან, ჟუბელპარკთან და ძალიან მარტივი მისადგომია საზოგადოებრივი ტრანსპორტით, რადგან მეტროსადგურები აქვეა.
მუზეუმში დაგხვდებათ 6000-ზე მეტი არტეფაქტი, მათ შორის პრეისტორიული ეპოქებიდანაც. აქ აღმოაჩენთ ეგვიპტურ სარკოფაგებს, ბერძნულ ვაზებსა თუ ძველ რომაულ ძეგლებს. ხელოვნებისა და ისტორიის მუზეუმში მთელი მსოფლიოს მასშტაბით არსებული ბევრი ისტორიული ქმნილება შეგხვდებათ და სხვადასხვა დროსა და სამყაროში იმოგზაურებთ. თუ ხელოვნება და ისტორია თქვენი საყვარელი სფეროებია, აუცილებლად გირჩევდით ამ მუზეუმში ვიზიტს. ბლოგში კი შემოგთავაზებთ ტექნიკური სახის ინფორმაციას, რომელიც უნდა გაითვალისწინოთ მუზეუმში ვიზიტის დაგეგმვისათვის.
