სანტა-მარია-დელე-გრაციეს ტაძარი მილანის ერთ-ერთი ყველაზე მთავარი ღირსშესანიშნაობაა. იგი შუსაუკუნეების ისტორიული და კულტურული ძეგლია. ტაძარი მე-15 საუკუნეში აიგო ფრანჩესკო სფორცას, მილანის დუკას მიერ. შემდეგ ტაძარში სფორცების საგვარეულო აკლდამაც აშენდა. თავიდან ტაძრის ადგილას მონასტერი იყო და შემდგომში ეკლესიაც ნელ-ნელა აიგო.
ამ ტაძარმა განსაკუთრებული პოპულარობა მოიპოვა იმით, რომ სატრაპეზოს კედელზე გამოსახულია რენესანსის ეპოქის უმნიშვნელოვანესი ხელოვანის, ლეონარდო და ვინჩის ბრწყინვალე ნამუშევარი “საიდუმლო სერობა”. მართალია, ტაძარს რამდენიმეჯერ დიდი საფრთხე დაემუქრა, თუმცა ადგილობრივებმა იზრუნეს იმაზე, რომ დღემდე უვნებლად მოეღწია ჩვენამდე ტაძრის ამ კედელს. მეორე მსოფლიო ომის დროს, როცა მილანი იბომბებოდა, მოსახლეობამ საიდუმლო სერობას ტომრები ააფარა. ასე სასწაულებრივად გადარჩა მსოფლიოს ერთ-ერთი სახელოვნებო საოცრება. თუ იტალიური აღორჩინების მოყვარული ხართ, ამ ტაძარში ვიზიტს აუცილებლად გირჩევდით.
