ბარსელონას კათედრალი მე-13 მე-15 საუკუნის ნაგებობაა. იგი გოთიკური და ნეო-გოთიკური არქიტექტურული ტიპისაა. კათედრალი ფსევდო-ბაზილიკაა. იგი ცნობილია თავისი უნიკალური არქიტექტურული სტილითა და ულამაზესი ფასადით. კათედრალი კათოლიკურია. მისი გოთიკური სვეტები და თაღები ტურისტებს უნიკალურ სანახაობას სთავაზობს.
ტაძრის შიგნით რელიგიური ელემენტები, დახვეწილი სტრუქტურა და სიმშვიდე ნებისმიერ მნახველს აღაფრთოვანებს. ფანჯრებიდან შემომავალი სინათლე და შიგნით დასადგურებული მყუდრო ატმოსფერო ქალაქის ხმაურისაგან ერთგვარი თავშესაფარიც კია. ტაძრის ისტორია საკმაოდ საინტერესოა, იგი მე-19 საუკუნეში ხელახლა რესტავრირდა. ტაძრის ტურები როგორც წესი მოიცავს აუდიო გიდსა და ტაძრის ისტორიის კარგად გაცნობას. აუდიო გიდი გაგაცნობთ ინფორმაციას ტაძრის არქიტექტურულ და კულტურულ ღირებულებაზეც. ბარსელონას კათედრალს ყოველწლიურად 4 მილიონზე მეტი ტურისტი სტუმრობს, ამიტომ არ დაგავიწყდეთ ბილეთების წინასწარ დაჯავშნა.
