მეთევზეების ბასტიონი ბუდაპეშტის ნომერ პირველი ღირსშესანიშნაობაა. იგი მე-19 საუკუნის ისტორიული ძეგლია. სინამდვილეში, თავდაპირველი შენობა ბევრად ადრე აშენდა ამ ადგილას, მე-18 საუკუნიდან იღებს სათავეს. ბასტიონი ნეო-რომანული არქიტექტურული სტილითაა აგებული. აქაურობა ფაქტობრივად ცალკე ქალაქს გავს. რაც მთავარია, შენობიდან ულამაზესი ხედები იშლება, აქედან ქალაქი ბუდაპეშტი ხელის გულზე მოჩანს.
ბასტიონს ისტორიული დროის სხვადასხვა პერიოდში განსხვავებული ფუნქცია ჰქონდა, იგი ასრულებდა როგორც საფორტიფიკაციო, ასევე სამმართველო ადგილის ფუნქციასაც. ბასტიონი კარგად გამოხატავს ბუდაპეშტის კულტურასა და ისტორიას. მართალია მისი გარე ფასადის მონახულება უფასოდ შეგიძლიათ, თუმცა სრული სურათის აღსაქმელად, გირჩევდით რომ შიდა სივრცეც მოინახულოთ. ამით არა მხოლოდ თავად ნაგებობის, არამედ მთლიანი ქალაქის ისტორიას უკეთ გაეცნობით და თქვენი მოგზაურობაც უფრო მრავალფეროვანი გახდება. აღარაფერს ვამბობთ, იმ სილამაზეზე, რომელიც აქ დაგხვდებათ. ამ ბლოგში კი დაგეხმარებით, დაჯავშნოთ თქვენთვის სასურველი ტური მეთევზეების ბასტიონის მოსანახულებლად.
