Red Wings -ი რუსეთიდან საქართველოში 6 ახალ მარშრუტს ამატებს

რუსეთის საჰაერო ტრანსპორტის ფედერალურმა სააგენტომ, ავიაკომპანია Red Wings -ზე გასცა წინასწარი ნებართვა, დაიწყოს დამატებითი ფრენები რუსეთიდან საქართველოს მიმართულებით.

საქართველოს სამოქალაქო ავიაციის სააგენტოსგან მიღებული ინფორმაციის თანახმად, ავიაკომპანიას მათთვის ჯერჯერობით არ მოუმართავს და შესაბამისად, ნებართვის გაცემის პროცედურა დაწყებული არ არის.

თუმცა, როგორც ცნობილია, Red Wings -ი ფრენების დაწყებას შემდეგი მიმართულებებით გეგმავს:

1. ირკუტსკი – თბილისი
2. გროზნო – თბილისი
3. ნოვოსიბირსკი – თბილისი
4. ნოვოსიბირსკი – ქუთაისი
5. ნოვოსიბირსკი – ბათუმი
6. გროზნო – ბათუმი

წინასწარი ნებართვა, რუსეთის საჰაერო ტრანსპორტის ფედერალური სააგენტოდან, თითოეულ მიმართულებაზე კვირაში 7 რეისის შესრულებაზეა გაცემული.

 

რედ ვინგსი ამჟამადაც ოპერირებს საქართველოს სამივე საერთაშორისო აეროპორტის მიმართულებით. კერძოდ:

• თბილისის აეროპორტში რუსეთის 4 ქალაქიდან – სანკ-პეტერბურგიდან, სამარადან, ყაზანიდან და ეკატერინბურგიდან დაფრინავს.
• ქუთაისის აეროპორტში მოსკოვიდან და სანკტ-პეტერბურგიდან,
• ბათუმის აეროპორტში კი მხოლოდ მოსკოვიდან.

შეიძინე ავიაბილეთები საუკეთესო ფასად ნებისმიერი მიმართულებით, დაგვირეკეთ: 551 907 907 ხელმისაწვდომია ვაიბერიც.