ყველა განახლებული ავია მიმართულება

როგორც უკვე ცნობილია, 1 თებერვლიდან საქართველოს მთავრობამ რეგულარულ რეისებზე დაწესებული შეზღუდვები მოხსნა. შესაბამისად, ავიაკომპანიები ეტაპობრივად იწყებენ რეგულარული ავიამიმოსვლის აღდგენას და ფრენების სიხშირეს ზრდიან.

რეგულარულ ფრენებს აღადგენს და კვირაში 3 სიხშირით იფრენს ავიაკომპანია Belavia. 3 თებერვლიდან მინსკი-თბილისის მიმართულებაზე რეისები შესრულდება ყოველ ოთხშაბათს, ხუთშაბათს და კვირას, ხოლო თბილისი-მინსკის მიმართულებით ყოველ ორშაბათს, ხუთშაბათს და პარასკევს.

ფრენის სიხშირეებს ზრდიან ყველასათვის კარგად ნაცნობი თურქული ავიაკომპანიები Pegasus Airlines-ი და Turkish Airlines-ი.

11 თებერვლიდან Pegasus-ი სტამბოლი-თბილისი-სტამბოლის საჰაერო ხაზზე ყოველდღიურად, კვირაში 7 სიხშირით იფრენს, ხოლო Turkish Airlines-ი ყოველდღიურ მიმოსვლას 15 თებერვლიდან აღადგენს.

რეგულარული მიმოსვლა აღადგინეს, ასევე, უკრაინულმა ავიაკომპანიებმა, Fly UIA-მ და Skyup Airlines-მა.

უკრაინის საერთაშორისო ავიახაზები (FlyUIA) კიევი-თბილისი-კიევის საჰაერო ხაზზე კვირაში 2 სიხშირით, ყოველ ორშაბათს და შაბათს იფრენს, ხოლო Skyup-ი ყოველ ხუთშაბათს და კვირას.

თბილისის საერთაშორიო აეროპორტს რეგულარული რეისების აღდგენაში უკვე ბათუმის აეროპორტიც შეუერთდა. დადასტურებული ინფორმაციით, უკრაინული ავიაკომპანია YanAir-ი კიევი-ბათუმი-კიევის საჰაერო ხაზზე რეგულარულ ავიამიმოსვლას აღადგენს.

YanAir Airlines-ი კიევი-ბათუმი-კიევის მიმართულებით ფრენებს 3 მარტიდან განაახლებს. აღნიშნულ მიმართულებაზე, ავიაკომპანია კვირაში 7 სიხშირით, ანუ ყოველდღიურად შეასრულებს ავიარეისებს.

რეგულარულ რეისებს განაახლებს კატარის სახელმწიფოს ავიაკომპანია Qatar Airways-ი. 15 თებერვლიდან, Qatar Airways-ი დოჰა-თბილისი-დოჰას საჰაერო ხაზზე რეგულარულ ფრენებს ყოველდღიურად განახორციელებს.

Turkish Airlines-ი, ასევე, რეგულარულ ავიამიმოსვლას აღადგენს ბათუმის საერთაშორისო აეროპორტიდანაც. ავიაკომპანია ბათუმი-სტამბოლი-ბათუმის საჰაერო ხაზზე 3 მარტიდან კვირაში ორი სიხშირით, ყოველ ოთხშაბათს და შაბათს იფრენს

გაითვალისწინეთ: მიუხედავად იმისა, რომ საქართველოს მთავრობამ რეგულარულ ავიარეისებზე დაწესებული შეზღუდვები მოხსნა და ავიაკომპანიებმა რეგულარული ავიამიმოსვლა აღადგინეს, ეს არ ნიშნავს, რომ საქართველოს მოქალაქეები თავისუფლად შეძლებენ სხვა ქვეყნებში ტურისტული მიზნით გამგზავრებას, რადგან ბევრ ქვეყანას ჯერ კიდევ არ აქვს საზღვრები გახსნილი ტურისტებისთვის.

ავიაბილეთების დასაჯავშნად დაგვიკავშირდით ნომერზე 551 907 907 ხელმისაწვდომია ვაიბერი ✈️