საქართველოს საავიაციო ბაზარზე კიდევ ერთი სასიამოვნო სიახლეა, რაც საქართველოში უკვე მოქმედ და ყველასათვის კარგად ცნობილ თურქულ ავიაკომპანიას, პეგასუსს უკავშირდება.
Pegasus Airlines-ი საქართველოში 2010 წლიდან შემოვიდა და ფრენებს თბილისის საერთაშორისო აეროპორტიდან ასრულებს, 2018 წელს კი ქუთაისის საერთაშორისო აეროპორტიდანაც დაიწყო ოპერირება, თუმცა მალევე შეწყვიტა.
2020 წლის მარტიდან კი პეგასუსი სტამბოლი-ბათუმი-სტამბოლის მიმართულებით იწყებს ფრენების განხორციელებას. ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს გვერდზე გამოქვეყნებულ 2019-20 წლების ზამთრის სანავიგაციო სეზონის განრიგის მიხედვით პეგასუსი კვირაში 4 რეისს შეასრულებს.
მართალია, ფრენების დაწყების კონკრეტული თარიღი ჯერჯერობით ცნობილი არ არის, მაგრამ რეისები ყოველ ორშაბათს, ოთხშაბათს, პარასკევს და კვირას განხორციელდება.
ბათუმიდან სტამბოლში მოხვედრა Turkish Airlines-ის გარდა, კიდევ ერთი ავიაკომპანიით იქნება შესაძლებელი და მგზავრებს უფრო ფართო არჩევანი ექნებათ. ამასთანავე, რაც ყველაზე მნიშვნელოვანია, პეგასუსი საკმაოდ მისაღებ ფასებს სთავაზობს მომხმარებელს, ამიტომ ავიაბილეთების შეძენა კიდევ უფრო ხელმისაწვდომი გახდება.
ბათუმი სტამბოლი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 26 ნოემბერი 2024 | 30 ნოემბერი 2024 |  | ავიაბილეთები 398 -დან |
| 27 დეკემბერი 2024 | 31 დეკემბერი 2024 | | ავიაბილეთები 332 -დან |
| 18 იანვარი 2025 | 21 იანვარი 2025 | | ავიაბილეთები 318 -დან |
| 15 თებერვალი 2025 | 23 თებერვალი 2025 | | ავიაბილეთები 354 -დან |
აღსანიშნავია ის ფაქტიც, რომ ბათუმის საერთაშორისო აეროპორტიდან Pegasus Airlines-ის დახმარებით ევროპის და აზიის ბევრ ქვეყანაში გახდება შესაძლებელი მოხვედრა ტრანზიტული რეისით, რადგან ეს ავიაკომპანია დაახლოებით 109 მიმართულებით ასრულებს პირდაპირ ფრენებს სტამბოლის საბიჰა გოქჩენის აეროპორტიდან.