Georgian Airways აპრილიდან რომში, ფორლიში და მილანში იფრენს

Georgian Airways ევროპული მიმართულებების გაფართოებას განაგრძობს და 2025 წლის აპრილიდან იწყებს პირდაპირ რეგულარულ ფრენებს იტალიის ორ ახალ ქალაქში – რომსა და ფორლიში. ამასთან ერთად, გაგრძელდება ფრენები მილანშიც, რაც კიდევ უფრო მეტ ალტერნატივას სთავაზობს ქართველ მოგზაურებს, ბიზნესსექტორსა და სამედიცინო ტურიზმის მომხმარებლებს.

ტურისტების საყვარელი ქალაქი რომი, Georgian Airways-ის მარშრუტების რუკაზე, 26 აპრილიდან დაბრუნდება. ფრენები განხორციელდება ყოველ ოთხშაბათსა და შაბათს, რაც განსაკუთრებით მოსახერხებელია შაბათ-კვირას დაგეგმილი მოკლე ტურებისთვისაც. რომი უნიკალური ქალაქია, რომელიც მოგზაურებს სთავაზობს დაუვიწყარ გამოცდილებას – ვატიკანი, კოლიზეუმი, პიაცა ნავონა, ტრივის შადრევანი და უგემრიელესი იტალიური სამზარეულო.

 

24 აპრილიდან ჯეორჯიან ეარვეისი თბილისის საერთაშორისო აეროპორტი -დან იწყებს ფრენებს იტალიის ქალაქ ფორლიში, რომელიც განთქმულია სამედიცინო ტურიზმით. ფრენები შესრულდება კვირაში ერთხელ, ყოველ ხუთშაბათს. ფორლი ემილია-რომანიას რეგიონის მშვიდი და მყუდრო ქალაქია, სადაც მგზავრებს დახვდებათ ევროპული დონის სამედიცინო ცენტრები, თერმული სპა-კურორტები, გამაჯანსაღებელი და რეაბილიტაციის პროგრამები. ეს ქალაქი იდეალურია როგორც სამკურნალო, ისე დასასვენებელი ვიზიტებისთვის.

 

Georgian Airways ასევე აგრძელებს ფრენებს მილანში – კვირაში სამჯერ: სამშაბათს, პარასკევსა და კვირას. მილანი არა მხოლოდ მოდის და ბიზნესის დედაქალაქია, არამედ შესანიშნავი საწყისი წერტილია მთელი ჩრდილოეთ იტალიის აღმოსაჩენად.

აღსანიშნავია, რომ Georgian Airways -ის ყველა ფრენა შესრულდება დღის საათებში, რაც მგზავრობას კიდევ უფრო კომფორტულს გახდის. ავიაბილეთის სტანდარტულ ტარიფში შედის ჩასაბარებელი ბარგიც.

Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907