საქართველოს აეროპორტების მგზავრთნაკადი მნიშვნელოვნად გაიზარდა, რასაც სამოქალაქო ავიაციის სააგენტოს მონაცემებიც ადასტურებს. 2025 წლის იანვრიდან აგვისტომდე ქვეყნის აეროპორტებმა ჯამში 5.5 მილიონზე მეტი მგზავრი მიიღეს, რაც გასული წლის ანალოგიურ პერიოდთან შედარებით 14%-იანი, ხოლო 2023 წელთან შედარებით 44%-იანი ზრდაა.
თბილისის საერთაშორისო აეროპორტი
თბილისის აეროპორტი მგზავრთა ზრდის საგრძნობი ტემპით გამოირჩევა. 2025 წლის პირველ რვა თვეში მას 3,539,596 მგზავრი მოემსახურა. ეს 12%-ით მეტია, ვიდრე 2024 წელს, ხოლო 33%-ით მეტია პანდემიამდელ 2019 წელთან შედარებით. 2023 წლის მონაცემებთან შედარებით კი ზრდა 48%-ს აღწევს.
ბათუმის საერთაშორისო აეროპორტი
ბათუმის აეროპორტი -ში მგზავრთნაკადი განსაკუთრებით გააქტიურდა. 2025 წლის იანვარ-აგვისტოში აეროპორტმა 840,893 მგზავრი მიიღო. ეს მაჩვენებელი 2024 წელთან შედარებით 32%-ით, 2023 წელთან კი 90%-ით გაზრდილია. პანდემიამდელ 2019 წელთან შედარებით ზრდა 89%-ს შეადგენს.
ქუთაისის საერთაშორისო აეროპორტი
ქუთაისის აეროპორტმაც შთამბეჭდავი ზრდა აჩვენა. 2025 წლის რვა თვეში მისი მგზავრთნაკადი 2019 წლის მონაცემებს 130%-ით აღემატება. 2024 წელთან შედარებით მგზავრების რაოდენობა 11%-ით, ხოლო 2023 წელთან შედარებით 18%-ით გაიზარდა.
ამ მონაცემებით, საქართველოს აეროპორტები სტაბილურად აგრძელებენ ზრდას და პანდემიამდელ მაჩვენებლებს მნიშვნელოვნად უსწრებენ.
Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907