ჩინური ავიაკომპანია China Southern Airlines -ი 3 წლიანი პაუზის შემდეგ საქართველოს ავიაბაზარს უბრუნდება. როგორც China Southern Airlines -ის წარმომადგენელმა AviaNews-სს განუცხადა, ავიაკომპანია ურუმჩიდან თბილისის მიმართულებით ფრენებს ზამთრის სანავიგაციო სეზონზე 27 იანვრიდან კვირაში ერთი სიხშირით შეასრულებს, ხოლო ზაფხულის სანავიგაციო სეზონზე – კვირაში 3 სიხშირით.
თბილისი ურუმჩი
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 31 მარტი 2025 | 7 აპრილი 2025 | პირდაპირი |  | ავიაბილეთები 1 482 -დან |
| 3 აპრილი 2025 | 12 აპრილი 2025 | პირდაპირი | | ავიაბილეთები 1 048 -დან |
| 4 აპრილი 2025 | 18 აპრილი 2025 | პირდაპირი | | ავიაბილეთები 1 071 -დან |
| 10 აპრილი 2025 | 17 აპრილი 2025 | პირდაპირი | | ავიაბილეთები 1 117 -დან |
| 27 ოქტომბერი 2025 | 1 ნოემბერი 2025 | პირდაპირი | | ავიაბილეთები 1 174 -დან |
ავიაკომპანია რეისებს 2023 წლის 25 მარტამდე ყოველ პარასკევს შესრულებს. ავიაკომპანიას რეგულარული საჰაერო მიმოსვლის განხორციელებისათვის აუცილებელი ნებართვა, სამოქალაქო ავიაციის სააგენტომ, 2022 წლის 23 დეკემბერს მიანიჭა.
კოვიდპანდემიის დაწყებამდე ავიაკომპანია თბილისი-პეკინი-თბილისი საჰაერო ხაზზე ფრენებს ქალაქ ურუმჩის გავლით ახორციელებდა. ამ ეტაპისათვის, ზამთრის სეზონზე ავიაკომპანია თბილისიდან მხოლოდ ურუმჩის მიმართულებით იფრენს, თუმცა ზაფხულში, მოთხოვნის შემთხვევაში პეკინის დამატებასაც განიხილავს.
China Southern Airlines ბოლო რეისი თბილისის აეროპორტის მიმართულებით 2020 წლის 23 იანვარს განახორციელა. ავიაკომპანია კი ქართულ ავიაბაზარზე 2011 წელს შემოვიდა.