ნიდერლანდურმა დაბალბიუჯეტიანმა ავიაკომპანია Transavia -მ საქართველოს ავიაბაზარზე ოპერირება დაიწყო. ნიდერლანდების სამეფოს ავიახაზებმა, ამსტერდამი თბილისი თბილისი ამსტერდამი ს მიმართულებით პირველი საჰერო რეისი 20 აპრილს, გვან ღამით განახორციელა და თბილისში 187 მგზავრი ჩამოაფრინა, თბილისიდან ამსტერდამში კი 185 მგზავრი გადაიყვანა.
Transavia georgia ზაფხულის სანავიგაციო სეზონზე თბილისსა და ამსტერდამს შორის პირდაპირ რეგულარულ ფრენებს, კვირაში 2 სიხშირით, ყოველ ოთხშაბათსა და შაბათს, Boeing 737-8 ტიპის საჰაერო ხომალდით შეასრულებს.
თბილისი ამსტერდამი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 20 ნოემბერი 2024 | 24 ნოემბერი 2024 |  | ავიაბილეთები 1 007 -დან |
| 1 დეკემბერი 2024 | 4 დეკემბერი 2024 | | ავიაბილეთები 841 -დან |
| 1 იანვარი 2025 | 15 იანვარი 2025 | | ავიაბილეთები 885 -დან |
თბილისის აეროპორტის ჩამოფრენის დარბაზში, დახვედრის საზეიმო ცერემონიალი გაიმართა, რომელსაც TAV Georgia-ს, საქართველოს აეროპორტების გაერთიანების, სამოქალაქო ავიაციის სააგენტოსა და ავიაკომპანიის წარმომადგენლები დაესწრნენ. ღონისძიებაზე საგანგებოდ ჰოლანდიელი სტუმრებისთვის ანსამბლმა ,,შავნაბადამ” მრავალჟამიერი შეასრულა.
ტრანსავია ნომერ პირველი ბიუჯეტური და სიდიდით მეორე ავიაგადამზიდავია ნიდერლანდების სამეფოში, რომელიც ბაზარზე 1966 წლიდან ოპერირებს. იგი Air France – KLM ჯგუფის შვილობილი კომპანიაა და 50 წელია ნიდერლანდებიდან 20-ზე მეტი ქვეყნის 100-ზე მეტი მიმართულებით ასრულებს ფრენებს და ყოველწლიურად 9 მილიონი მგზავრი გადაჰყავს. ავიაკომპანიას 7 ბაზა აქვს და მისი ხომალდები ბაზირებულია ნიდერლანდების სამეფოს, საფრანგეთისა და გერმანიის აეროპორტებში.