ქართული ავიაკომპანია Georgian Airways თბილისიის და მახაჩყალის საჰაერო ხაზზე ავიამიმოსვლას იწყებს. შესაბამისი ინფორმაცია მახაჩყალის აეროპორტის განრიგშია ასახული.
ინფორმაციაში აღნიშნულია, რომ საქართველოს ავიახაზები ახალი მიმართულებით ფრენებს 23 ნოემბრიდან 30 მარტამდე, ანუ ზამთრის სანავიგაციო სეზონზე შეასრულებს. ავიარეისები კვირაში სამჯერ – სამშაბათს, ხუთშაბათს და შაბათს შესრულდება.
აღსანიშნავია, რომ მახაჩყალის მიმართულებით რეისების შესრულებაზე ინფორმაცია ჯერ „ჯეორჯიან ეარვეისი“ -ს გვერდზე წარმოდგენილი არ არის. დღეისათვის, აღნიშნულ მიმართულებაზე ერთი გადაჯდომით ფრენებს რუსული ავიაკომპანიები RedWings და Azimuth Airlines -ი ახორციელებენ.
თბილისი მახაჩკალა
| გამგზავრება | დაბრუნება | გაჩერება | ავიაკომპანია | ბილეთების პოვნა |
|---|---|---|---|---|
| 29 ნოემბერი 2025 | 2 დეკემბერი 2025 | 2 Გაჩერება |  | ავიაბილეთები 970 -დან |
| 24 დეკემბერი 2025 | 5 იანვარი 2026 | 1 Გაჩერება |  | ავიაბილეთები 1 153 -დან |
რამდენიმე დღის წინ სხვადასხვა მედია საშუალების მიერ გავრცელდა ინფორმაცია, რომ ქართული ავიაკომპანია ბათუმიდან მოსკოვის, ხოლო თბილისიდან კი პეტერბურგისა და მახაჩყალის მიმართულებით ფრენების დაწყებას განიხილავდა.
შეგახსენებთ, რომ საქართველო-რუსეთს შორის რუსეთის პრეზიდენტის მიერ მიღებული გადაწყვეტილებით, მიმდინარე წლის მაისში პირდაპირი ავიამიმოსვლა აღდგა. „ჯორჯიან ეარვეისი“ ერთ-ერთი პირველი იყო, რუსულ ავიაკომპანიებთან ერთად, რომელმაც რუსეთში, კერძოდ კი მოსკოვში პირდაპირი ფრენების დაწყებაზე გამოთქვა სურვილი და დღეს თბილისი-მოსკოვის მიმართულებით ასრულებს რეისებს.