Routes Europe-მა თბილისის საერთაშორისო აეროპორტი იმ ევროპული აეროპორტების ნომინანტთა ტოპ-5-ში შეიყვანა, რომელთა მგზავრთნაკადი 5 მილიონამდე აღწევს.
ევროპის წლის საუკეთესო აეროპორტის ტიტული 2025 წლის 9 აპრილს, სევილიაში, საავიაციო ფორუმ Routes Europe 2025-ის ფარგლებში გასამართ დაჯილდოების ცერემონიაზე გამოცხადდება. ასევე, აქვე დასახელდება წლის საუკეთესო ავიაკომპანია და ტურისტული მიმართულება. თბილისის საერთაშორისო აეროპორტთან ერთად, საუკეთესო აეროპორტების ხუთეულში მოხვდნენ ბრემენის, კორფუს, ლონდონის და ვილნიუსის აეროპორტები.
საუკეთესო აეროპორტები ავიაკომპანიების მიერ ხმათა უმრავლესობით შეირჩევა, სადაც გათვალისწინებული იქნება მგზავრთნაკადის ზრდა, ახალი ავიაკომპანიებისა და მიმართულებების დამატება. ავიაკომპანიებს კი აეროპორტები აფასებენ წარმატებული თანამშრომლობის გამოცდილების მიხედვით.
პირდაპირი ფრენები თბილისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| სოჭი | 26 დეკემბერი 2026 | 24 თებერვალი 2027 |  | ავიაბილეთები 155 -დან |
| ალმათი | 28 დეკემბერი 2026 | 7 იანვარი 2027 |  | ავიაბილეთები 998 -დან |
| ამსტერდამი | 17 ივნისი 2027 | 20 ივნისი 2027 |  | ავიაბილეთები 695 -დან |
| ანკარა | 28 ნოემბერი 2026 | 3 დეკემბერი 2026 |  | ავიაბილეთები 343 -დან |
| ათენი | 27 დეკემბერი 2026 | 10 იანვარი 2027 |  | ავიაბილეთები 481 -დან |
| აბუ-დაბი | 5 ნოემბერი 2026 | 9 ნოემბერი 2026 |  | ავიაბილეთები 901 -დან |
2024 წელს თბილისის აეროპორტში მგზავრთნაკადის რეკორდული ზრდა დაფიქსირდა – 2023 წელთან შედარებით 29%-იანი მატება იყო. ამასთან, წარმატებული მოლაპარაკებების შედეგად, თვის ბოლოდან აეროპორტი ოთხ ახალ ევროპულ ავიაკომპანიას უმასპინძლებს:
- 30 მარტიდან – British Airways (ლონდონი-თბილისი)
- 31 მარტიდან – easyJet (ლონდონი, ჟენევა, მილანი)
- 12 აპრილიდან – Transavia France (პარიზი – თბილისი)
- 12 აპრილიდან – Edelweiss (ციურიხი-თბილისი)
საქართველოს აეროპორტების გაერთიანების წინასწარი შეფასებით, ახალი ავიაკომპანიებისა და არსებული რეისების ზრდის გათვალისწინებით, 2025 წელს თბილისის საერთაშორისო აეროპორტში მგზავრთნაკადი 4%-ით მოიმატებს და 5 მილიონს მიაღწევს.
8 წელი თქვენს სამსახურში! Avia.ge – საიმედო პარტნიორი მოგზაურობაში. დაგვირეკე: 551 907 907