ევროპის საუკეთესო ავიაკომპანიების TOP-10

ბრიტანულმა კომპანიამ Skytrax -მა საუკეთესო ავიაკომპანიების რეიტინგი გამოაქვეყნა, სადაც, 2024 წელს, ევროპის საუკეთესო ავიაკომპანიების პირვე სამეულში Turkish Airlines , Air France და Swiss International Air Lines მოხვდნენ.

ევროპის საუკეთესო ავიაკომპანიების TOP-10 -ში ასევე მოხვდა:

• მეოთხე ადგილი – British Airways
• მეხუთე ადგილი – Iberia
• მეექვსე ადგილი – Virgin Atlantic
• მეშვიდე ადგილი – Lufthansa 
• მერვე ადგილი – Finnair
• მეცხრე ადგილი – KLM
• მეათე ადგილი – Austrian Airlines 

აღსანიშნავია, რომ Skytrax -ის მიერ შედგენილ ათეულში, საუკეთესო სერვისის მქონე ევროპული ავიაკომპანიების ათეულში, მხოლოდ კლასიკური ავიაკომპანიები მოხვდნენ. ამავდროულად მასში წარმოდგენილი იყო Lufthansa Group -ის სამივე ძირითადი წევრი – Lufthansa , Austrian Airlines და Swiss.

ევროპული დაბალბიუჯეტური ავიაკომპანიები მხოლოდ 2024 წლის გლობალურ TOP-100 საუკეთესო ავიაკომპანიებში შედიან: Transavia France 51-ე ადგილზეა, Ryanair 63-ე ადგილზე, easyJet 66-ე ადგილზე, Eurowings კი 70-ე ადგილზე.

აღსანიშნავია, რომ Wizz Air , ევროპის 3 უმსხვილესი დაბალბიუჯეტიანი ავიაკომპანიიდან ერთ-ერთია, თუმცა 2024 წელს მსოფლიოს საუკეთესო ავიაკომპანიების TOP 100 -ში ვერ მოხვდა. 2023 წლის რეიტინგში კი ის 87-ე ადგილზე იყო.

 

Skytrax -ში განმარტავენ, რომ მათ თავიანთი რეიტინგი მგზავრების ონლაინ გამოკითხვის საფუძველზე შექმნეს, რომელიც 2023 წლის სექტემბრიდან მიმდინარე წლის მაისამდე პერიოდში ჩატარდა. რეიტინგმა ჯამში მსოფლიოს 350 ავიაკომპანია მოიცვა.

კითხვარში მგზავრებმა ავიაკომპანიების მომსახურება 50 კრიტერიუმის მიხედვით შეაფასეს. კითხვარი 3 კატეგორიად დაიყო – ადგილზე მომსახურება, ბორტზე მომსახურება და პერსონალის დამოკიდებულება.

Skytrax -ის რეიტინგში შესული ავიაკომპანიების უმეტესობა, საქართველოს საერთაშორისო აეროპორტებიდან, არაერთი მიმართულებით ახორციელებენ რეისებს.

შეიძინე ავიაბილეთები საუკეთესო ფასად Avia.ge -ზე. დაგვირეკე: 551 907 907 ხელმისაწვდომია ვაიბერიც.