თბილისიდან ახალი ჩარტერული რეისების დანიშვნა გრძელდება. ამჯერად, თბილისის საერთაშორისო აეროპორტიდან ქაიროს მიმართულებით შესრულდება ფრენა. რეისი 14 სექტემბერს 07:00 საათზე განხორციელდება და მგზავრები თბილისის აეროპორტიდან დუბაიში ტრანზიტით მოხვდებიან ქაიროში. ჩარტერულ რეისს თბილისი-დუბაი-ქაიროს საჰაერო ხაზზე ავიაკომპანია Airzena შეასრულებს.
Georgian Airways-ის სექტემბრის თვის ჩარტერული რეისების განრიგს, ასევე, დაემატა თბილისი-ბერლინი-თბილისის ახალი რეისი. ფრენა 18 სექტემბერს შემდეგი განრიგით განხორციელდება :
თბილისი-ბერლინი – გაფრენა 09:30, ჩაფრენა 11:30 (ბერლინის დროით)
ბერლინი-თბილისი – გამოფრენა 12:20, ჩამოფრენა 17:50.
ახალი რეისები დამტკიცდა, ასევე, თბილისი-სტამბოლის საჰაერო ხაზზე. ავიაკომპანია Turkish Airlines-ი თბილისის აეროპორტიდან სტამბოლის მიმართულებით სექტემბრის თვეში დამატებით 3 რეისს განახორციელებს. თბილისი-სტამბოლის ახალი ჩარტერული რეისები 13, 20 და 27 სექტემბერს შესრულდება.