Georgian Airways -მა ისრაელიდან საქართველოს მოქალაქეების ჩამოსაყვანად დამატებითი რეისი დანიშნა. როგორც ისრაელში საქართველოს ელჩი ლაშა ჟვანია აცხადებს, “საქართველოს ავიახაზები” დამატებით რეისს 11 ოქტომბერს შეასრულებს.
„ისრაელში მყოფი და საქართველოში გამგზავრების მსურველი საქართველოს მოქალაქეებისთვის 11 ოქტომბერს 11:40 საათზე ჩაინიშნა ავიაკომპანიის დამატებითი რეისი თელ ავივი -დან თბილისი -ს მიმართულებით.
მოთხოვნასთან ერთად, შესაძლებელი იქნება დამატებით სხვა რეისის ჩანიშვნაც.
მადლობა ისრაელის ტრანსპორტის სამინისტროს და ჩვენს მეგობარ Miri Regev -ს საქართველოს მთავრობის თხოვნის დროულად დაკმაყოფილებისთვის“, წერს ჟვანია სოციალურ ქსელში.