თბილისსა და რიგას შორის რეგულარული ავიამიმოსვლა იწყება

საქართველოს საჰაერო სივრცე რეგულარული მიმოსვლისთვის კიდევ ერთი მიმართულებით იხსნება. მიუნხენისა და პარიზის შემდეგ, რეგულარული ფრენები თბილისის საერთაშორისო აეროპორტიდან უკვე რიგაშიც შესრულდება. ავიაკომპანია Airbaltic-ი თბილისი-რიგა-თბილისის მიმართულებით რეისებს 5 აგვისტოდან განაახლებს.

თავდაპირველად რეისები კვირაში ერთი სიხშირით შესრულდება, ხოლო 20 აგვისტოდან Airbaltic-ი ოპერირებას კვირაში ორი სიხშირით განაგრძობს. ავიარეისების განრიგი უკვე ცნობილია და შემდეგნაირად გამოიყურება:

20 აგვისტომდე

რიგა-თბილისი : შესრულდება ყოველ ოთხშაბათს -5,12,19 აგვისტოს

თბილისი-რიგა: შესრულდება ყოველ ხუთშაბთს – 6,13,20 აგვისტოს

20 აგვისტოდან

რიგა-თბილისი: შესრულდება ყოველ ოთხშაბათს და კვირას

თბილისი-რიგა: შესრულდება ყოველ ხუთშაბათს და ორშაბათს

ავიაკომპანია აღნიშნულ რეისებს Airbus A220-300 ტიპის საჰაერო ხომალდებით შეასრულებს.