გასულ წელს, თბილისის შოთა რუსთაველის სახელობის საერთაშორისო აეროპორტი 3 694 205 მგზავრს მოემსახურა, რაც 2022 წლის მაჩვენებლებთან შედარებით 23%-იანი ზრდაა. როგორც თბილისისა და ბათუმის საერთაშორისო აეროპორტების ოპერატორ კომპანია TAV Georgia-ში აცხადებენ, 2023 წელს თბილისის აეროპორტი -მა 2019 წლის მგზავრთნაკადის აღდგენა შეძლო.
რაც შეეხება ბათუმის აეროპორტი -ს მგზავრთნაკადს 2023 წელს, მისი სერვისებით 621 610 მგზავრმა ისარგებლა. აღნიშნული მაჩვენებლები კი 2022 წელთან შედარებით 1%-იან ზრდას აჩვენებს. 2019 წლთან შედარებით კი აეროპორტმა მგზავრთნაკადი თითქმის დაიბრუნა.
აღსანიშნავია, რომ 2023 წლის დეკემბერში თბილისის აეროპორტი 303 620 მგზავრს მოემსახურა, რაც 2019 წლის იმავე პერიოდის მონაცემებს 37%-ით აღემატება, ხოლო 2022 წლის დეკემბრის მონაცემებთან შედარებით, 16%-იანი ზრდაა.
ბათუმის აეროპორტი 2023 წლის დეკემბერში 28 556 მგზავრს მოემსახურა, რაც გასული წლის იმავე თვის მაჩვენებელზე 13%-ით ნაკლებია, ხოლო 2019 წლის ანალოგიური პერიოდის მონაცემებზე 9%-ით მეტი.