Turkish Airlines-მა და airBaltic-მა ზიარი კოდის ახალი შეთანხმება გააფორმეს

Turkish Airlines-მა და airBaltic-მა გააფართოეს ზიარი კოდის ( codeshare ) შეთანხმება და იწყებენ ერთობლივ ფრენებს რამდენიმე ახალ მიმართულებაზე, რაც ბალტიისპირეთსა და თურქეთს შორის მგზავრობის შესაძლებლობებს მნიშვნელოვნად ზრდის. პარტნიორობა ეფუძნება 2023 წელს დაწყებულ ერთობლივ რეისს რიგასა და სტამბოლს შორის. განახლებული შეთანხმება მოიცავს შემდეგს:

• Turkish Airlines -ის კოდები airBaltic-ის რეისებზე რიგადან:
  ტურკუში და ტამპერეში (ფინეთი), და პალანგაში (ლიტვა).

• airBaltic -ის კოდები Turkish Airlines-ის რეისებზე სტამბოლიდან:
  თბილისში, ბათუმში, აშხაბადში, ბაქოში, დუშანბეში და ბიშკეკში.

აღნიშნული ახალი მარშრუტები ძალაში შევა მარეგულირებელი ორგანოების დამტკიცების შემდეგ.

ავიაკომპანიების მიზანია გააფართოონ საკუთარი მარშრუტების ქსელი და მგზავრებს შესთავაზონ უფრო კომფორტული და შეუფერხებელი კავშირები. airBaltic-ის ოპერაციულმა დირექტორმა პაულს ჩილიტისმა განსაკუთრებით გამოკვეთა ბალტიისპირელი მგზავრებისთვის გაზრდილი მოგზაურობის შესაძლებლობები, ხოლო Turkish Airlines-ის გენერალურმა დირექტორმა ბილალ ექშიმ აღნიშნა, რომ ეს ნაბიჯი ნაწილს წარმოადგენს უფრო ფართო სტრატეგიისა, რომელიც მიზნად ისახავს მეტი ქვეყნის დაკავშირებას პარტნიორობების გზით.

განსაკუთრებით საყურადღებოა ის ფაქტი, რომ აღნიშნული მარშრუტები ევროკავშირის ტერიტორიაზე შედარებით გამარტივებულად მოხვედრის საშუალებას იძლევა – იმ შემთხვევაში, თუ მოქმედი ვიზის შეზღუდვები ამის შესაძლებლობას იძლევა. თუმცა, უნდა აღინიშნოს, რომ ლატვიაში შესვლა ტურისტული შენგენის ვიზით რუსეთის მოქალაქეებისთვის ამ ეტაპზე კვლავ შეზღუდულია.

ამ დროისთვის airBaltic-სა და Turkish Airlines-ს უკვე აკავშირებთ codeshare ხელშეკრულება სტამბოლი სა და რიგა ს შორის რეგულარულ ფრენებზე, თუმცა ახალი შეთანხმება დამატებით მიმართულებებს მოიცავს და ავიაკომპანიების ქსელს კიდევ უფრო გააფართოებს, რაც მგზავრებს უფრო მოქნილ და მრავალფეროვან გადაადგილების შესაძლებლობას მისცემს.

Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907