Georgian Wings -ის პირველი საინაუგურაციო ფრენის საზეიმო ღონისძიება მოლდოვას რესპუბლიკაში საქართველოს საელჩომ ქართული ტრადიციების შესაბამისად დააორგანიზა.
ქართული ავიაკომპანია Geosky -ს სამგზავრო მიმართულება ჯეორჯიან ვინგსი თბილისი კიშინიოვი -ს მიმართულებით პირველ სამგზავრო რეგულარულ ფრენას დღეს – 20 თებერვალს შესრულდა. ავიაკომპანია ფრენებს კვირაში 2 სიხშირით ყოველ სამშაბათსა და შაბათს, 148 მგზავრზე გათვლილი Boeing 737– ით განახორციელებს.
,,მოლდოვის რესპუბლიკა ჩვენთვის ერთ-ერთ პრიორიტეტული მიმართულებაა. გადაწყვეტილება თბილისი კიშინიოვი კიშინიოვი თბილისი -ს საჰაერო ხაზზე რეისების დაწყებაზე, დიდმა დაინტერესებამ მიგვაღებინა. აღნიშნული გადაწყვეტილება ხელს უწყობს ორ ქვეყანას შორის პარტნიორული ურთიერთობების გაღრმავებას და გვაძლევს შესაძლებლობას, განვავითაროთ როგორც ტურიზმი, ასევე ბიზნესი.“- აცხადებს ავიაკომპანიის პრეზიდენტი -შალვა კიკნაძე.
ავიაკომპანია georgian wings -ი აქტიურად მუშაობს მსოფლიოს სხვადასხვა მიმართულებით ახალი სამგზავრო რეგულარული რეისების დანიშვნაზე. შეგახსენებთ, რომ ავიაკომპანია 2023 წლის ივლისის თვიდან ასრულებდა სამგზავრო რეგულარულ ფრენებს თბილისი ბათუმი -ს, თბილისი ბაქო -ს მიმართულებით.