ჩინეთის ერთ-ერთი უდიდესი და წამყვანი ავიაკომპანია China Southern Airlines -ი საქართველოს საავიაციო ბაზარს უბრუნდება.
ავიაკომპანია საქართველოდან, კერძოდ კი თბილისის საერთაშორისო აეროპორტი -დან ფრენებს 2023 წლის იანვრიდან დაიწყებს. რეგულარული საჰაერო მიმოსვლა განახლდება ურუმჩი–თბილისი–ურუმჩის საჰაერო ხაზზე.
საქართველოს სამოქალაქო ავიაციის სააგენტოში წარმოდგენილი განაცხადის შესაბამისად, რეგულარული რეისები თბილისსა და ურუმჩს შორის 2023 წლის 25 მარტამდე, კვირაში 1 სიხშირით, ყოველ პარასკევს შესრულდება.
როგორც მოგეხსენებათ, China Southern Airlines -ი რეისებს პეკინი-თბილისი-პეკინი -ს მიმართულებით ურუმჩის აეროპორტის გავლით ყოველ ორშაბათს, ხუთშაბათს და შაბათს ახორციელებლდა. ავიაკომოანიამ ფრენები საქართველოს მიმართულებით, 2020 წლის იანვარში შეაჩერა, რაც კოვიდ-19 ინფექციასთან დაკავშირებული პანდემიით იყო გამოწვეული. ბოლო რეგულარული რეისი ავიაკომპანიამ საქართველოში 2020 წლის 23 იანვარს განახორციელა.
არ გაუშვათ შანსი ხელიდან და მოინახულეთ დასავლეთ ჩინეთის უდიდესი ქალაქი – ურუმჩი. ამ ქალაქში და მის გარშემო ცხოვრობს ორმოცდასამი ეთნიკური ჯგუფი, მათ შორის უიგურები, კაზაკები, ჰუი და ჰანი. მრავალრიცხოვანი ეთნოსებისა და სხვადასხვა ადათ-წესების გათვალისწინებით მანდვილად მრავალფერიოვანი ქალაქია. ურუმჩი გთავაზობთ მომხიბლავ მუსიკას, მხიარულ ცეკვებს, ტკბილ ხილს და მრავალფეროვან კულტურას, რომ ისიამოვნოთ.