Wizz Air ქუთაისი ბრატისლავას მიმართულებით პირდაპირ რეისებს იწყებს

ავიაკომპანია Wizz Air აფართოებს საკუთარ ქსელს და ქუთაისის საერთაშორისო აეროპორტიდან სლოვაკეთის დედაქალაქ ბრატისლავას მიმართულებით პირდაპირ ფრენებს ამატებს.

ახალი მარშრუტის დეტალები

ახალი მიმართულება ამოქმედდება 2026 წლის 12 იანვრიდან. ფრენები შესრულდება კვირაში ოთხჯერ – ორშაბათობით, ოთხშაბათობით, პარასკევობით და კვირაობით – Airbus A321neo ტიპის საჰაერო ხომალდით.

ავიაბილეთების შეძენა უკვე შესაძლებელია ავიაკომპანიის ვებგვერდზე და WIZZ აპლიკაციაში, საწყისი ფასი კი – 99 ლარია.

 

Wizz Air-ის განცხადება

Wizz Air -ის კორპორაციული კომუნიკაციების მენეჯერმა, სალვატორე გაბრიელე იმპერიალემ, აღნიშნა, რომ ახალი მარშრუტი აძლიერებს კავშირებს საქართველოსა და სლოვაკეთს შორის:

“მოხარულნი ვართ, რომ ქუთაისიდან ჩვენს ქსელს ამ ახალი, საინტერესო კავშირით ვაფართოებთ. ეს მარშრუტი ერთმანეთთან აკავშირებს ორ ისტორიულ, კულტურით მდიდარ ქალაქს და კიდევ უფრო ამყარებს საქართველოსა და სლოვაკეთს შორის კავშირებს. ქართველ მოგზაურებს საშუალება ეძლევათ, WIZZ AIR-ის ხელმისაწვდომი ფასებითა და მომსახურებით ისარგებლონ და გაეცნონ ბრატისლავა –ს სილამაზეს.”

ავიაკომპანა Wizz Air -ის ოპერირება საქართველოში

• ვიზეარი ამჟამად ქუთაისის აეროპორტი -დან 12 ქვეყნის 23 მიმართულებით ოპერირებს, მათ შორის არის ახლახან დამატებული ლიონის მიმართულება. ასევე, 2 დეკემბრიდან ავიაკომპანია პირდაპირ ფრენებს ვენეციის მიმართულებით დაიწყებს.
• 2012 წლის სექტემბერში საქართველოს ბაზარზე ოპერირების დაწყებიდან დღემდე, Wizz Air-მა თითქმის 9 მილიონი მგზავრი გადაიყვანა ქვეყნებს შორის.
• 2025 წელს Wizz Air-მა ქუთაისის მიმართულებით და ქუთაისიდან 6,800 ფრენა შეასრულა, რა დროსაც 1.8 მილიონზე მეტი ადგილი შესთავაზა მოგზაურებს (6.5%-ით მეტი, ვიდრე წინა წლის იმავე პერიოდში) და 1.5 მილიონზე მეტი ჯავშანი მიიღო (6.7%-ით მეტი). ფრენების შესრულების საშუალო მაჩვენებელმა 99.7% შეადგინა.

Avia.ge – 8 წელი თქვენს სამსახურში! საიმედო პარტნიორი მოგზაურობაში. დაგვირეკე: 551 907 907