თურქულ-გერმანული ავიაკომპანია SunExpress -ი, ზაფხულის სანავიგაციო სეზონზე, თბილისის აეროპორტი -ს მიმართულებით ანტალიიდან და იზმირიდან შეასრულებს ფრენებს.
ანტალია თბილისი , თბილისი ანტალია -ს საჰაერო ხაზზე სანექსპრესი ოპერირებას 2024 წლის აპრილიდან, კვირაში 2 სიხშირით განაახლებს. ასევე 2 სიხშირით დაიწყებს ფრენებს იზმირი თბილისი , თბილისი იზმირი -ს საჰაერო ხაზზეც.
აღსანიშნავია, რომ SunExpress -ი საქართველოს ავიაბაზარზე 2023 წელს შემოვიდა.
კომპანიის ინფორმაციით, მგზავრების დიდი ინტერესის ფონზე SunExpress-ი ბათუმის აეროპორტი -ს მიმართულებითაც განიხილავს ოპერირებას.
35 წლის წინ ანტალიაში დაფუძნებული SunExpress -ი ანტალიისა და იზმირის ძირითად ავაიგადამზიდავს წარმოადგენს. ის გახდა პირველი კერძო ავიაკომპანია, რომელმაც 2001 წელს მომხმარებლებს თურქეთსა და გერმანიას შორის პირდაპირი რეგულარული ფრენები შესთავაზა. SKYTRAX -ის მიხედვით, 2022 წელს SunExpress საუკეთესო ტურისტულ ავიაკომპანიად დასახელდა.
ავიაკომპანიის ფლოტი 77 საჰაერო ხომალდისგან შედგება, რომლებიც 200-მდე მიმართულებაზე ასრულებენ რეისებს.