რუსეთმა საქართველოს სავიზო რეჟიმი გაუუქმა

რუსეთის ფედერაციამ საქართველოს მოქალაქეთათვის სავიზო რეჟიმი გააუქმა. განკარგულება რუსეთის პრეზიდენტმა, ვლადიმირ პუტინმა გამოსცა, რომლის თანახმადაც, სავიზო რეჟიმი 15 მაისს გაუქმდება.

დოკუმენტის თანახმად, საქართველოს მოქალაქეები რუსეთის ტერიტორიაზე შესვლას პასპორტით შეძლებენ. გამონაკლისი ვრცელდება იმ მოქალაქეებზე, რომლებიც რუსეთში სამუშაო მიზნით ჩადიან ან 90 დღეზე მეტი ვადით გეგმავენ დარჩენას.

აქამდე, რუსეთს საქართველოსთან სავიზო რეჟიმი ცალმხრივად ჰქონდა დაწესებული. საქართველო-რუსეთის ფედერაციასთან სავიზო რეჟიმი 2012 წელს გაუქმდა, მაშინდელი პრეზიდენტის, მიხეილ სააკაშვილის ბრძანებით. მანამდე კი, 2010 წლის ოქტომბერში სავიზო რეჟიმის გაუქმება რუსეთის ფედერაციაში შემავალი ჩრდილოეთ კავკასიის რესპუბლიკების მცხოვრებლებს შეეხოთ.

ამასთანავე, პირდაპირი რეისები რუსეთსა და საქართველოს შორის შესაძლოა მაისის ბოლომდე განახლდეს.

 

რუსეთის ტუროპერატორთა ასოციაციის (ATOR) ვიცე-პრეზიდენტმა არტურ მურადიანმა განაცხადა, რომ რუსეთიდან საქართველოში ფრენები შესაძლოა ერთი თვის განმავლობაში დაიწყოს, თუ მხარეები მკაცრ პირობებს არ დააწესებენ.

რუსეთის ტრანსპორტის სამინისტროს პრეს-სამსახურმა განაცხადა, რომ რუსული ავიაკომპანიები აღნიშნული მიმართულებით, კვირაში 7 პირდაპირ რეისს განახორციელებენ.

როგორც რუსული მედია აღნიშნავს, ამ ეტაპზე, ავიაკომპანიები საქართველოს მიმართულებით ფრენების აღსადგენად ემზადებიან.

იაფი ავიაბილეთების შესაძენად, ნებისმიერი მიმართულებით, დაგვიკავშირდით ნომერზე: 551 907 907 ხელმისაწვდომია ვაიბერიც.