ქართული პასპორტის მფლობელებს კუალა-ლუმპურში გამარტივებულად შესვლა შეეძლებათ

საქართველოსა და მალაიზიას შორის თანამშრომლობის შედეგად, ქ. კუალა-ლუმპურის საერთაშორისო აეროპორტში საქართველოს მოქალაქეებისთვის გამარტივებული საპასპორტო კონტროლის პროცედურა ამოქმედდა. ეს ნიშნავს, რომ ქართველ მოგზაურებს ქვეყნის ტერიტორიაზე შესვლა შეუძლიათ საიმიგრაციო გამშვები პუნქტის გავლოს გარეშე.

მალაიზიაში გამგზავრებამდე, საქართველოს მოქალაქეებმა უნდა შეავსონ ონლაინ განაცხადი ჩასვლამდე არაუგვიანეს 72 საათისა, ვებგვერდზე .

საქართველოს მოქალაქეებისთვის მალაიზიაში უვიზო რეჟიმი მოქმედებს, რაც საშუალებას იძლევა ქვეყანაში შესვლის, დარჩენის ან ტრანზიტით გავლის, ვიზის გარეშე. რაც შეეხება დღეების რაოდენობას, ყოფნის მაქსიმალური დასაშვები ვადა 30 დღეა.

კუალა-ლუმპურში საქართველოდან პირდაპირი ფრენები არ სრულდება, თუმცა შესაძლებელია ერთი ან რამდენიმე გადაჯდომით ააწყოთ რეისები. ერთი გადაჯდომით ფრენას, ყველაზე ბიუჯეტურ ფასად, თურქული ავიაკომპანია Turkish Airlines -ი ასრულებს.

 

კუალა-ლუმპური (Kuala Lumpur) მალაიზიის ყველაზე დიდი ქალაქი და მისი პოლიტიკური, ეკონომიკური და კულტურული ცენტრია. ქალაქი გამოირჩევა თანამედროვე არქიტექტურით, მრავალფეროვანი კულტურითა და დინამიკური ურბანული ცხოვრებით.

კუალა-ლუმპური მდებარეობს მალაიზიის ნახევარკუნძულზე და აქვს ეკვატორული კლიმატი, რაც ნიშნავს, რომ თითქმის მთელი წელი მუდმივად თბილი ამინდებია, საშუალო ტემპერატურა 27-32°C-ის ფარგლებშია.

ღირშესანიშნაობები კუალა-ლუმპურში :

• პეტრონასის ტყუპი ცათამბჯენები – 452 მეტრი სიმაღლის ეს შენობები მალაიზიის სიმბოლოა და მსოფლიოში ერთ-ერთი ყველაზე მაღალი ცათამბჯენებია.
• ბატუს მღვიმეები – ქალაქის ჩრდილოეთით მდებარე უნიკალური კარსტული მღვიმეები, სადაც ინდუისტური ტაძრები და წმინდა ადგილებია განთავსებული.
• მერკასის მოედანი (Merdeka Square) – ისტორიული ადგილი, სადაც მალაიზიის დამოუკიდებლობა გამოცხადდა 1957 წელს.
• ბუკიტ-ბინტანგი – კუალა-ლუმპურის მთავარი სავაჭრო და გასართობი უბანი, სავსე მაღალი დონის მაღაზიებით, რესტორნებით და ღამის კლუბებით.

აღსანიშნავია, რომ ქალაქში კარგადაა განვითარებული საზოგადოებრივი ტრანსპორტი, მათ შორის მეტრო, მონორელსი და ავტობუსები, რაც მოგზაურებს საშუალებას აძლევს მარტივად გადაადგილდნენ.

ქალაქში მრავლადაა სავაჭრო ცენტრები, მათ შორის Pavilion KL, Suria KLCC და Berjaya Times Square, სადაც შეიძლება როგორც ადგილობრივი, ისე საერთაშორისო ბრენდების პროდუქციის შეძენა.

კუალა-ლუმპური წარმოადგენს საინტერესო მიმართულებას როგორც ტურისტებისთვის, ისე საქმიანი ვიზიტორებისთვის, რადგან ის აერთიანებს აღმოსავლურ კულტურას, ინოვაციურ არქიტექტურას და თანამედროვე ცხოვრების სტილს.

გაემგზავრე კუალა-ლუმპურში და მოინახულე ეს შთამბეჭდავი მიმართულება მარტივად! დაგვირეკეთ: 551 907 907