ანალიტიკურმა ვებგვერდმა Switch On Business მსოფლიოს ყველაზე პოპულარული ატრაქციების რეიტინგი გამოაქვეყნა.
რეიტინგის ლიდერი ბურჯ ხალიფას ცათამბჯენი გახდა, რომელიც დუბაიში მდებარეობს, და მას ყოველწლიურად 17 მილიონი ადამიანი სტუმრობს. აღსანიშნავია, რომ ეს 828 მ სიმაღლის შენობა სამჯერ აღემატება პარიზის ეიფელის კოშკს.
კოშკის ბილეთების გაყიდვიდან წლიური შემოსავალი 621 მილიონ დოლარს შეადგენს. ამასთანავე, გარდა კოლოსალური მოგებისა, Google-ში წელიწადში თითქმის 22 მილიონი ძებნა ადასტურებს ამ ნაგებობის პოპულარობას.
რეიტინგში მეორე ადგილზე ინდოეთის ტაჯ მაჰალის სასახლეა: მას ყოველწლიურად 7,5 მილიონი მოგზაური სტუმრობს. ინტერნეტ საძიებო სისტემებში კი ყოველწლიურად 22 მლნ ძებნა აქვს.
მესამე ადგილზე კი ნიაგარას ჩანჩქერია აშშ-ში. მის სანახავად ყოველწლიურად დაახლოებით 13 მილიონი ტურისტი მიდის, საძიებო სისტემაში კი მოთხოვნის რაოდენობა 1,2 მილიონს აღწევს.
ქუთაისი აბუ-დაბი
გამგზავრება | დაბრუნება | ავიაკომპანია | ბილეთების პოვნა |
---|---|---|---|
24 სექტემბერი 2024 | 26 სექტემბერი 2024 | ![]() | ავიაბილეთები 310 -დან |
5 ოქტომბერი 2024 | 6 ოქტომბერი 2024 | ![]() | ავიაბილეთები 216 -დან |
2 ნოემბერი 2024 | 4 ნოემბერი 2024 | ![]() | ავიაბილეთები 246 -დან |
მსოფლიოს საუკეთესო ატრაქციების სრული ჩამონათვალი Switch On Business-ის რეიტინგის მიხედვით:
- ბურჯ ხალიფა, UAE;
- ტაჯ მაჰალი, ინდოეთი;
- ნიაგარას ჩანჩქერი, აშშ;
- ოქროს კარიბჭე (ხიდი), აშშ;
- ეიფელის კოშკი, საფრანგეთი;
- მაჩუ-პიქჩუ, პერუ;
- საგრადა ფამილია, ესპანეთი;
- თავისუფლების ქანდაკება, აშშ;
- ბიგ ბენი, დიდი ბრიტანეთი;
- ჩინეთის დიდი კედელი, ჩინეთი;
- სტოუნჰენჯი, დიდი ბრიტანეთი;
- ბუკინგემის სასახლე, დიდი ბრიტანეთი;
- ევერესტი, ტიბეტი/ნეპალი;
- მონ სენ-მიშელი, საფრანგეთი;
- აია სოფია, თურქეთი.