Korean Air კორეან ეარი

Korean Air არის უდიდესი ავიაკომპანია სამხრეთ კორეაში, რომლის სათაო ოფისი მდებარეობს სეულში. დაარსდა 1969 წელს და გახდა მსოფლიოში ერთ-ერთი მთავარი ავიაკომპანია, რომელიც ასრულებს როგორც სამგზავრო, ისე სატვირთო ფრენებს.

რა მიმართულებით ახორციელებს ფრენებს Korean Air ?

Korean Air ემსახურება შიდა და საერთაშორისო მიმართულებების ფარ თო ქსელს აზიის, ამერიკის, ევროპის, ახლო აღმოსავლეთისა და ოკეანეთის მასშტაბით. ავიაკომპანია დაფრინავს 50-მდე ქვეყანაში – დაახლოებით 150 საერთაშორისო და 10 შიდა მიმართულებით.

კორეან ეარ -ის ევროპული მიმართულებები მოიცავს ქალაქებს, როგორიცაა პარიზი, ფრანკფურტი და ციურიხი. ჩრდილოეთ ამერიკაში ფრენებს ახორციელებს ნიუ-იორკში, ლოს-ანჯელესში და დალასში. ხოლო აზიაში კი ავიაკომპანია აკავშირებს ჩინეთის, იაპონიის და სამხრეთ-აღმოსავლეთის მრავალ ქალაქს.

2024 წლის ზაფხულისთვის Korean Air მნიშვნელოვნად აფართოებს საერთაშორისო სერვისებს – აღადგენს ფრენებს რამდენიმე ქალაქში და ზრდის ფრენების სიხშირეს პოპულარულ მარშრუტებზე.

ახლახანს ცნობილი გახდა, რომ ავიაკომპანია სეზონურ ჩარტერულ ფრენებს საქართველოს მიმართულებითაც შეასრულებს და პირდაპირ ავიამიმოსვლას ინჩეონსა და თბილისის აეროპორტს შორის შემოგვთავაზებს. რეისები დაგეგმილია 2024 წლის 22 მაისს, 5 ივნისსა და 20 ივნისს.

 

2024 წლის მდგომარეობით, Korean Air ფლობს მრავალფეროვან და თანამედროვე ფლოტს, რომელიც შედგება როგორც ვიწრო ტანის, ასევე ფართო ტანის Boeing და Airbus ტიპის სხვადასხვა მოდელებისაგან.

ფართო ტანის თვითმფრინავები მოიცავს Airbus A330-200 -ს და A330-300 -ს, რომლებიც გამოიყენება საშუალო და შორი მანძილის მარშრუტებისთვის. ასევე Airbus A380-800 -ს და ემსახურება მაღალი მოთხოვნის მარშრუტებს და მგზავრებს სთავაზობს მრავალ კლასს, მათ შორის პირველს, ბიზნესს და ეკონომ კლასის მომსახურებას. შორ მანძილზე ფრენებისთვის კი გამოიყენება Boeing 747-8I, Boeing 777-200ER, 777-300ER და 777-300, Boeing 787-9.

ვიწრო ტანის თვითმფრინავები მოიცავს Airbus A220-300, რომელიც გამოიყენება მოკლე და საშუალო მანძილის მარშრუტებისთვის და Boeing 737-800 და 737-900ER შიდა და რეგიონალური ფრენებისთვის.

აღნიშნული ავიაკომპანიით სარგებლობამდე, გაეცანით შემდეგ ინფორმაციას, რათა გდაგეგმოთ  მოგზაურობა მარტივად და გახადოთ ის სასიამოვნო.

ინფორმაცია ბარგის შესახებ:

Korean Air -ის ბარგის პოლიტიკა განსხვავდება მარშრუტის და მომსახურების კლასის მიხედვით.

ხელბარგი: 

• Economy Class – 1 ცალი ხელბარგი, რომელიც იწონის მაქსიმუმ 12 კგ-ს, ზომები კი არ აღემატება 55 სმ x 40 სმ x 20 სმ-ს.
• Prestige (Business) Class – 2 ცალი ხელბარგი, რომლის თითოეული ერთეული იწონის მაქსიმუმ 18 კგ-ს, ზომები კი არ აღემატება 55 სმ x 40 სმ x 20 სმ-ს.
• First Class – 2 ცალი ხელბარგი, რომლის თითოეული ერთეული იწონის მაქსიმუმ 18 კგ-ს, ზომები კი არ აღემატება 55 სმ x 40 სმ x 20 სმ-ს.

ჩასაბარებელი ბარგი: 

• Economy Class – 1 ცალი ბარგი, თითოეული უნდა იწონიდეს მაქსიმუმ 23 კგ-ს.
• Prestige (Business) Class – 2 ცალი ბარგი, თითოეული უნდა იწონიდეს მაქსიმუმ 32 კგ-ს.
• First Class – 3 ცალი ბარგი, თითოეული უნდა იწონიდეს მაქსიმუმ 32 კგ-ს.

თითოეული ჩასაბარებელი ბარგის ზომა, სამივე განზომილების ჯამით, არ უნდა აღემატებოდეს 158 სმ-ს.

ინფორმაცია რეგისტრაციის შესახებ:

ონლაინ რეგისტრაცია – ონლაინ რეგისტრაცია იხსნება ფრენის გამგზავრებამდე 48 საათით ადრე და იხურება რეისის გამგზავრებამდე 2 საათით ადრე.

აეროპორტში რეგისტრაცია – რეგისტრაციის გავლა ასევე შესაძლებელია აეროპორტში, თვითმომსახურების ჯიხურების გამოყენებით ან ავიაკომპანიის გამშვები პუნქტების მეშვეობით.

შეიძინე Korean Air -ის ავიაბილეთები ყველაზე იაფად Avia.ge-ზე. დაგვირეკე: 551 907 907 ხელმისაწვდომია ვაიბერიც.