უნგრული დაბალბიუჯეტიანია ავიაკომპანია – Wizz Air -ი გაფართოებას განაგრძობს და ქუთაისის აეროპორტში დამატებითი Airbus A321neo-ის განთავსებას გეგმავს. ამით ბაზირებული თვითმფრინავების რაოდენობა სამამდე გაიზრდება, რაც ავიაკომპანიას საშუალებას მისცემს, დაიწყოს ფრენა ხუთ ახალ მიმართულებაზე და 27 მარშრუტამდე გაზარდოს ქსელი საქართველოს სიდიდით მესამე ქალაქიდან.
ფრენები ფრანკფურტის მიმართულებით 1 ივნისიდან დაიწყება, ჰამბურგის მიმართულებით 2 ივნისიდან, ბრიუსელის და პოზნანის მიმართულებით 3 ივნისიდან, ხოლო მადრიდის მიმართულებით კი – 4 ივნისიდან. ხუთივე მარშრუტი შემოთავაზებული იქნება კვირაში 2-ჯერ.
გარდა ამისა, სიხშირეები გაიზრდება ქუთაისი პარიზის, მილანის, პრაღის და მემინგენის რეისებზე.
ამჟამად ვიზეარი საქართველოდან ფრენებს ახორციელებს ისეთ მიმართულებებზე, როგორიცაა: საფრანგეთი, გერმანია, იტალია, საბერძნეთი, კვიპროსი, ესპანეთი, ავსტრია, ბელგია, ჩეხეთი, ესტონეთი, უნგრეთი, ლიტვა, ლატვია, პოლონეთი და არაბეთის გაერთიანებული საემიროები.
wizz air -ის ავიაბილეთები ქუთაისიდან
| მიმართულება | გამგზავრების თარიღი | დაბრუნების თარიღი | ავიაკომპანიის ლოგო | ავიაბილეთების მოძებნა |
|---|---|---|---|---|
| ათენი | 14 დეკემბერი 2026 | 18 დეკემბერი 2026 |  | ავიაბილეთები 230 -დან |
| ბარსელონა | 3 თებერვალი 2027 | 10 თებერვალი 2027 | | ავიაბილეთები 384 -დან |
| ბერლინი | 21 იანვარი 2027 | 26 იანვარი 2027 | | ავიაბილეთები 370 -დან |
| ბრიუსელი | 21 თებერვალი 2027 | 28 თებერვალი 2027 | | ავიაბილეთები 298 -დან |
| ბრატისლავა | 13 მაისი 2027 | 20 მაისი 2027 | | ავიაბილეთები 284 -დან |
| ბუდაპეშტი | 30 იანვარი 2027 | 2 თებერვალი 2027 | | ავიაბილეთები 283 -დან |
| დორტმუნდი | 23 იანვარი 2027 | 30 იანვარი 2027 | | ავიაბილეთები 322 -დან |
| მემინგენი | 18 იანვარი 2027 | 25 იანვარი 2027 | | ავიაბილეთები 315 -დან |
| ფრანკფურტი | 10 ნოემბერი 2026 | 17 ნოემბერი 2026 | | ავიაბილეთები 548 -დან |
| კატოვიცა | 19 იანვარი 2027 | 26 იანვარი 2027 | | ავიაბილეთები 231 -დან |
ევროპის ყველაზე სწრაფად მზარდი და ეკოლოგიურად მდგრადი ავიაკომპანია, გასული წლის განმავლობაში, გადაყვანილი მგზავრების რეკორდულ რაოდენობას აღნიშნავს! 2022 წლის იანვრიდან დეკემბრის ჩათვლით, ვიზიარი 45,7 მილიონმა მგზავრმა აირჩია, რაც 2021 წელთან შედარებით 110.2%-იანი ზრდა გახლავთ.
2022 წელს ავიაკომპანიამ გაფართოება განაგრძო, რაც 142 მიმართულებით, 275 ახალი მარშრუტის დამატებაში გამოიხატა. გასულ წელს ავიაკომპანიამ სრულიად ახალი 27 Airbus თვითმფრინავი მიიღო, რამაც მისი ფლოტი 177-მდე გაზარდა. ულტრათანამედროვე საჰაერო ფლოტის დამსახურებით კი, ავიაკომპანიის ნახშირბადის საშუალო წლიური ემისია მის მიერ ოდესმე დაფიქსირებული მაჩვენებლებიდან ყველაზე დაბალია.