2023 წლის 11 ივლისის 12:00 საათიდან 12 ივლისის 14:00 საათამდე, ვილნიუსის აეროპორტი ფრენებს არ მიიღებს. ამის მიზეზი ლიეტუვის დედაქალაქში დაგეგმილი ნატოს სამიტია.
ლიეტუვის კავშირგაბმულობისა და ტრანსპორტის სამინისტროს ინფორმაციაზე დაყრდნობით, სამიტის განმავლობაში აეროპორტის დაკეტვა, ნატოს უსაფრთხოების მოთხოვნების გათვალისწინებით ხდება.
წინასწარი ინფორმაციით, ამ 26-საათიანი შეზღუდვის გამო, ვილნიუსიდან გაუქმდება 100-ზე მეტი ფრენა. ავიაკომპანიებმა კი უკვე წინასწარ დაიწყეს მგზავრების გაფრთხილება.
ლიეტუვის ტერიტორიაზე თვითმფრინავების გადაადგილებაზე დამატებითი შეზღუდვები დაწესდება 7-13 ივლისს. ასევე აიკრძალება მცირე ზომის თვითმფრინავების, დრონების და საჰაერო ბურთების ფრენები.
ლიეტუვაში პირველად იმართება ნატოს სამიტი. ეს ყველაზე მასშტაბური ღონისძიება იქნება ქვეყნის ისტორიაში, სადაც 40-50 უცხოური დელეგაციის და 2000-მდე არასამთავრობო ორგანიზაციებისა და საერთაშორისო მედიის წარმომადგენლის ჩასვლა მოსალოდნელია.
ქუთაისი ვილნიუსი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 25 იანვარი 2025 | 28 იანვარი 2025 |  | ავიაბილეთები 315 -დან |
| 25 მარტი 2025 | 30 მარტი 2025 | | ავიაბილეთები 292 -დან |