საქართველოს აეროპორტების გაერთიანების გენერალური დირექტორი ჩინეთის ერთ-ერთი უმსხვილეს სახელმწიფო ავიაკომპანია – China Southern Airlines -ის ადგილობრივ მენეჯმენტს შეხვდა. მხარეები ზაფხულის სანავიგაციო სეზონისთვის თანამშრომლობის ისეთ სტრატეგიაზე შეთანხმდნენ, რაც ჩინეთიდან საქართველოში და პირიქით, მგზავრთნაკადის ზრდას შეუწყობს ხელს. შეხვედრაზე აღინიშნა, რომ ურუმჩი თბილისი თბილისი ურუმჩი -ს საჰაერო ხაზზე ფრენების სიხშირეები გაიზრდება.
თბილისი ურუმჩი
| გამგზავრება | დაბრუნება | ავიაკომპანია | ბილეთების პოვნა |
|---|---|---|---|
| 24 მაისი 2024 | 30 მაისი 2024 |  | ავიაბილეთები 2 057 -დან |
| 9 ივნისი 2024 | 16 ივნისი 2024 | | ავიაბილეთები 2 150 -დან |
| 5 ივლისი 2024 | 10 ივლისი 2024 | | ავიაბილეთები 2 542 -დან |
| 1 აგვისტო 2024 | 8 აგვისტო 2024 | | ავიაბილეთები 2 207 -დან |
,,China Southern Airlines -თან შეხვედრის მიზანი ზაფხულის სეზონისთვის მზადება და ის წინამოსამზადებელი სამუშაოების განხილვა გახლდათ, რაც მიზნად ისახავს საქართველოს მოქალაქეებისთვის ჩინეთში უვიზოდ მიმოსვლის ძალაში შესვლას. განვიხილეთ ის შესაძლებლობები, რაც ორივე თანამშრომლობისთვის გაგვაჩნია. საჭიროებები, იმისთვის, რომ აღნიშნულ მიმართულებაზე გავზარდოთ სიხშირეები და დავსახოთ ის სამოქმედო გეგმა, რომელიც განამტკიცებს ქვეყნებს შორის მგზავრთნაკადის ზრდას‘‘,-განაცხადა ირაკლი ქარქაშაძემ.
შეხვედრაზე ხაზი გაესვა, რომ უახლოეს მომავალში საქართველოს მოქალაქეებისთვის ჩინეთში უვიზოდ მიმოსვლა იქნება შესაძლებელი. უვიზო მიმოსვლის ამოქმედებისთანავე კი თბილისისა და ჩინეთის უმსხვილესი ქალაქების ერთმანეთთან პირდაპირი ავიარეისებით დაკავშირება განიხილება. 2023 წელს, ჩინეთიდან საქართველოს თითმის 50 000 ვიზიტორი ეწვია. რაც 2022 წელთან შედარებით 555%-იანი ზრდაა.