2024 წლისთვის დაგეგმილი იყო ETIAS -ის სისტემის ამოქმედება იმ მოქალაქეებისთვის, რომლებსაც შენგენის ზონაში სამოგზაუროდ ვიზა არ სჭირდებათ. ახლახანს ცნობილი გახდა, რომ პროცესის დაწყება კვლავ გადაიდო. ამის შესახებ პორტალი schengenvisainfo.com ევროკავშირის ოფიციალური წარმომადგენლის კომენტარზე დაყრდნობით წერს.
ევროკავშირის თქმით ETIAS -ის სისტემა უსაფრთხოების ერთ-ერთი ზომაა და ის საზღვრის გადაკვეთისას დანაშაულებისა და ტერორიზმის პრევენციას ემსახურება.
პროცედურა ბევრად უფრო მარტივია, ვიდრე ვიზა. საჭიროებს ონლაინ კითხვარის შევსებას, რომელიც მხოლოდ 10 წუთს მოიცავს და არ ითხოვს ბიომეტრიულ ინფორმაციას, თუმცა მისი დასტურის მიღება ყველა მოგზაურისთვის სავალდებულოა.
ავტორიზაცია ვალიდური იქნება 3 წლის განმავლობაში ან პასპორტის ვადის ამოწურვამდე. თუ თქვენ იღებთ ახალ პასპორტს, უნდა მიიღოთ ETIAS ახალი ავტორიზაცია. ამასთან, იმიგრაციის წესები კვლავ ძალაში დარჩება და მოგზაურებს ისევ დასჭირდებათ თან იქონიონ ის საბუთები რაც ევროპაში სამოგზაუროდაა საჭირო.
აღსანიშნავია, რომ ეს პროცედურა ფასიანი იქნება. იმ მოქალაქეებს, ვინც აქამდე ევროპის წევრ ქვეყნებში უვიზოდ დაიშვებოდნენ, ვიზის მოსაკრებლის პროცედურის გავლა და თანხის გადახდა მოუწევთ.
ფრენები ქუთაისის აეროპორტიდან
| დანიშნულების ადგილი | გამგზავრება | დაბრუნება | ავიაკომპანია | ბილეთების პოვნა |
|---|---|---|---|---|
| ალმაატა | 14 იანვარი 2025 | 18 იანვარი 2025 |  | ავიაბილეთები 585 -დან |
| ათენი | 3 თებერვალი 2025 | 5 თებერვალი 2025 |  | ავიაბილეთები 189 -დან |
| აბუ დაბი | 18 თებერვალი 2025 | 25 თებერვალი 2025 |  | ავიაბილეთები 353 -დან |
| ბარსელონა | 1 თებერვალი 2025 | 13 თებერვალი 2025 | | ავიაბილეთები 413 -დან |
| ბერლინი | 13 მარტი 2025 | 20 მარტი 2025 | | ავიაბილეთები 295 -დან |
„თავდაპირველად ვიმედოვნებდით, რომ სისტემა 2023 წლის ბოლოს ამოქმედდებოდა, ან არაუგვიანეს 2024 წლის დასაწყისში. გაუთვალისწინებელი შეფერხებების გამო, ცხადი გახდა, რომ ამ ვადაში ვერ ჩავეტეოდით. შედეგად, ETIAS-ის განხორციელება გადაიდო 2025 წლის მაისისთვის“. – განაცხადა ევროკავშირის წარმომადგენელმა.